ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး
ဝၼ်းထိ 9/9/2025
ၵူၼ်းမိူင်းပၢႆႈၽေးသိုၵ်း 8,600 ပၢႆယွၼ်ႉသိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇပိုတ်ႇၼႃႈသိုၵ်း ၼႂ်းၸႄႈ ဝဵင်းၵျွၵ်းမႄး
ၵူၼ်းမိူင်း 8,600 ပၢႆလႆႈဢွၼ်ငိူင်ႉဝေႈၽေးသိုၵ်းဢၼ်သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇလႄႈ ပိုတ်ႇၼႃႈ သိုၵ်းတၢင်းလိၼ် ၼႂ်းၸႄႈဝဵင်းၵျွၵ်းမႄး၊ ႁဵတ်းႁႂ်ႈၵူၼ်းမိူင်းလုတၢႆ 29 ၵေႃႉ၊ မၢတ်ႇၸဵပ်း 66 ၵေႃႉ၊ ၵမ်ႈၼမ် ဢၼ်ယူႇၼႂ်းဝတ်ႉ/ၵျွင်း ၽွင်းဝၼ်းထိ 9 လိူၼ်ဢေႃးၵၢတ်ႊ ထိုင်သႅမ်ႊထႅမ်ႊပိူဝ်ႊ 6/2025။
သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇလႄႈဢဝ်ၵွင်ႈလူင်ယိုဝ်းပိုတ်ႇသိုၵ်းၼႂ်းဢိူင်ႇၼွင်ပိင် ဢၼ်ယူႇတၢင်း ၸဵင်ႇၸၢၼ်းဝၼ်းတူၵ်း ဝဵင်းၵျွၵ်းမႄး ႁၢင်ႇၵႆၵၼ် 20 ၵီႊလူဝ်ႊမႄႊတိူဝ်ႊ၊ တီႈဢၼ်သိုၵ်းမၢၼ်ႈတၢင်းၼွင် ၶဵဝ် ၶတ်းၸႂ်ႁေႃႈလိုပ်ႈသိုၵ်းတဢၢင်း/ပလွင်ႈ TNLA ဢွၵ်ႇတၢင်းသဵၼ်ႈတၢင်းလူင် မူႇၸေႈ-ဝဵင်းလိူဝ်ႇ။ မၢၵ်ႇ ၶိူင်ႈမိၼ်သိုၵ်းမၢၼ်ႈ မၢၵ်ႇလူင်တူၵ်းၸွမ်းႁိမ်းႁွမ်း သၢႆတေႃႈၼမ်ႉမၼ်းလႄႈၵႅတ်ႊ ၶႄႇဢၼ်လတ်းၽၢၼ်ႇ ဢိူင်ႇၼွင်ပိင် ၸႄႈဝဵင်းၵျွၵ်းမႄး။
တင်ႈတႄႇၵၢင်ၼႂ် ဝၼ်းထိ 18/8/2025 ၼၼ်ႉသိုၵ်းမၢၼ်ႈဢၼ်မီးတီႈၶူဝ်ႁူၺ်ႈၵိုတ်ႈ ဢဝ်ၵွင်ႈလူင် ယိုဝ်း လႄႈ ဢဝ်ၻရူၼ်ႊပွႆႇမၢၵ်ႇၶိူဝ်းၶိူဝ်းယႂ်းယႂ်း ၼႂ်းဝၢၼ်ႈၼွင်ပိင်လႄႈဝၢၼ်ႈႁိမ်းႁွမ်းသေ ထိုင်မႃးဝၼ်းထိ 19/8/2025 သိုၵ်းမၢၼ်ႈႁႅင်းသိုၵ်းမွၵ်ႈ 700 ၶဝ်ႈမႃးတၢင်းဝၢၼ်ႈတူၼ်ႈထၢၼ် (ထၢၼ်းတပိၼ်ႇ) ဢၼ်ယူႇ တၢင်းၸဵင်ႇၸၢၼ်းဝၼ်းဢွၵ်ႇ ၼွင်ပိင် ႁၢင်ႇၵႆၵၼ် 4 ၵီႊလူဝ်ႊမႄႊတိူဝ်ႊ)။
ဝၼ်းထိ 20/8/2025 သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇၼႂ်းပိုၼ်ႉတီႈၼွင်ပိင်။ ယၢမ်း 10:30 ၵၢင်ၼႂ် သိုၵ်း မၢၼ်ႈဢဝ်ၶိူင်ႈမိၼ်ပွႆႇမၢၵ်ႇၼမ်ႉၼၵ်း 500 ပွင်ႊ တူၵ်းသႂ်ႇဝတ်ႉ/ၵျွင်းပၢင်တီး တီႈဢၼ်ၵူၼ်းဝၢၼ်ႈ ႁိမ်း ႁွမ်းၶဝ် မွၵ်ႈ 300 ၵေႃႉ ပၢႆႈၽေးပၢႆႈမႃးပိုင်ႈႁူမ်ႈၼၼ်ႉၵမ်းသိုဝ်ႈ။ မၢၵ်ႇတူၵ်းတႅၵ်ႇတိူဝ်ႉၺႃးၵူၼ်းပၢႆႈၽေး သိုၵ်း 10 ၵေႃႉလုတၢႆၵမ်းလဵဝ်လႄႈမၢတ်ႇၸဵပ်းထႅင်ႈ 32 ၵေႃႉ (ၼႂ်းၼၼ်ႉၵေႃႉ 1 ၶိုၼ်းတၢႆထႅင်ႈ ဝၢႆးလင်)။ ၵူၼ်းၸိူဝ်း မၢတ်ႇၸဵပ်းၼၼ်ႉဢဝ်ၵႂႃႇယူတ်း ယႃတီႈ ႁူင်းယႃလႃႈသဵဝ်ႈလႄႈၵူတ်ႉၶၢႆ။ ဝၢႆးၼၼ်ႉဢမ်ႇႁိုင် သိုၵ်းမၢၼ်ႈဢဝ်မၢၵ်ႇ ၼမ်ႉၼၵ်း 500 ပွင်ႊမႃးပွႆႇ တီႈဝၢၼ်ႈလုၵ်းပႃ ဢၼ်မီးႁိမ်းၸမ်ထႅင်ႈသေ တိူဝ်ႉၺႃး ၵူၼ်းမိူင်းတၢႆ 2 ၵေႃႉ၊ မီးၵူၼ်းမၢတ်ႇၸဵပ်းထႅင်ႈ။
လွင်ႈသိုၵ်းမၢၼ်ႈဢဝ်ၶိူင်ႈမိၼ်တိုၵ်းမႃးပွႆႇၼႂ်းဝဵင်းၵျွၵ်းမႄးၼၼ်ႉၵူႈဝၼ်းယဝ်ႉတေႃႇထိုင်ဝၼ်းထိ 6/9/2025 ဢမ်ႇၵမ်ႉၵွႆးၼႃႈတီႈတႅဝ်းၼႃႈၸိူဝ်းပဵၼ် ၼွင်ပိင် ယင်းပႃးထႅင်ႈတီႈၵျွၵ်းမႄးလႄႈဝဵင်းမိူင်းငေႃႉ ထႅင်ႈ၊ ၵမ်ႈၼမ်ၶဝ်ယိူင်းၸူးၸိူဝ်းပဵၼ်ဢွင်ႈတီႈဝတ်ႉဝႃး။ မိူဝ်ႈဝၼ်းထိ 23/8/2025 ၼၼ်ႉၶိူင်ႈမိၼ်တိုၵ်း Jet fighter သိုၵ်းမၢၼ်ႈလမ်းၼိုင်ႈ ဢဝ်မၢၵ်ႇၼမ်ႉၼၵ်း 500 ပွင်ႊ 2 လုၵ်ႈမႃးပွႆႇတီႈၵျွင်းသလၢမ်း ဝဵင်းမိူင်းငေႃႉ ဢၼ်တိူဝ်ႉၺႃးလုၵ်ႈဢွၼ်ႇၸၢႆးၵေႃႉၼိုင်ႈတၢႆယဝ်ႉ ၵူၼ်းမိူင်းမၢတ်ႇၸဵပ်းၸွမ်းထႅင်ႈ 7 ၵေႃႉ ပႃးၸဵမ်ၸဝ်ႈ ၸၢင်း 2 တူၼ်/ပႃးလႄႈ ၸဝ်ႈသၢင်ႇ 1 တူၼ်/ပႃး။ ဝၼ်းထိ 25/8/2025 ၶိူင်ႈမိၼ်တိုၵ်း Jet fighter သိုၵ်းမၢၼ်ႈ လမ်းၼိုင်ႈ မႃးပွႆႇမၢၵ်ႇၼမ်ႉၼၵ်း 250 ပွင်ႊ ၼႂ်းပွၵ်ႉ 7 ဝဵင်းၵျွၵ်းမႄး ႁဵတ်းႁႂ်ႈတိူဝ်ႉၺႃးၸဝ်ႈသၢင်ႇ 3 တူၼ် လႄႈ ၵူၼ်းၸၢႆး ၵေႃႉၼိုင်ႈမၢတ်ႇၸဵပ်း တီႈၵျွင်းဝႃႇသူဝ်ႇ။
ၼွၵ်ႈသေၼၼ်ႉသိုၵ်းမၢၼ်ႈ ၸိူဝ်းလၵ်ႉၶဝ်ႈသွၵ်ႈတဝ်ႁိူၼ်းယေးၵူၼ်းဝၢၼ်ႈၼၼ်ႉယင်းဢဝ်ၵွင်ႈယိုဝ်းသႂ်ႇ ၵူၼ်းဝၢၼ်ႈထႅင်ႈ။ မိူဝ်ႈဝၼ်းထိ 23/8/2025 ၽွင်းသိုၵ်းမၢၼ်ႈၶဝ်ႈသွၵ်ႈတဝ်ဢဝ်ၶူဝ်းၶွင်ၵူၼ်းဝၢၼ်ႈၼွင်ပိင် ယူႇၼၼ်ႉ သိုၵ်းမၢၼ်ႈႁၼ်သႂ်ႇၵူၼ်းၼႂ်းႁိူၼ်းလင်ၼိုင်ႈသေဢဝ်ၵွင်ႈၶဝ်ယိုဝ်းသႂ်ႇ တိူဝ်ႉၺႃးၵေႃႉပဵၼ်ပေႃႈ ၸဝ်ႈႁိူၼ်းဢႃယု 45 ပီၵေႃႉၼိုင်ႈတၢႆထင်တီႈ၊ ၼၢင်းမေးမၼ်းလႄႈလုၵ်ႈယိင်းမၼ်းတႄႉမၢတ်ႇၸဵပ်း။ ထႅင်ႈ ဝၼ်းၼိုင်ႈမႃး သိုၵ်းမၢၼ်ႈၵႂႃႇယိုဝ်းၵူၼ်းပၢႆႈၽေးသွင်ၽူဝ်မေး ဢၼ်မႃးမီးတီႈဝၢၼ်ႈတူၼ်ႈထၢၼ်တၢႆ။
ယွၼ်ႉသိုၵ်းမၢၼ်ႈဢဝ်ၶိူင်ႈမိၼ်လႄႈၵွင်ႈလူင်ပိုတ်ႇၼႃႈသိုၵ်းသေ ႁဵတ်းႁႂ်ႈၵူၼ်းမိူင်း 8000 ပၢႆၵမ်ႈၼမ် ပဵၼ် ၵူၼ်းထဝ်ႈ၊ ၼၢင်းယိင်းလႄႈလုၵ်ႈဢွၼ်ႇ ၸိူဝ်းယူႇၼႂ်းဝၢၼ်ႈၼွင်ပိင်လႄႈဝၢၼ်ႈႁိမ်းႁွမ်း လႆႈပၢႆႈၽေး သိုၵ်း ၵႂႃႇပိုင်ႈႁူမ်ႈယူႇသဝ်းၸွမ်းၼႂ်းဝၢၼ်ႈ 40 ဝၢၼ်ႈပၢႆဢၼ်ယူႇၼႂ်းၼႃႈတီႈ တပ်ႉသိုၵ်းၸိုင်ႈတႆး SSPP ၵုမ်းၵမ် တၢင်းၸၢၼ်းၸႄႈဝဵင်းၵျွၵ်းမႄး။ ၵူၼ်းပၢႆႈၽေးၵမ်ႈၼမ် ပိုင်ႈႁူမ်ႈယူႇသဝ်းၸွမ်းၼႂ်းဝၢၼ်ႈ၊ ဝတ်ႉ/ၵျွင်း သေ ႁူပ်ႉထူပ်းတၢင်းယၢပ်ႇၽိုတ်ႇ လူဝ်ႇတၢင်းၸွႆႈထႅမ်ၶဝ်ႈၼမ်ႉတၢင်းၵိၼ်၊ ယႃႈယႃလႄႈ ၶူဝ်းၸႂ်ႉတိုဝ်းၸိူဝ်းၸမ် ပဵၼ် ၼၼ်ႉယူႇယဝ်ႉ။ ၵူၼ်းဝၢၼ်ႈၼွင်ပိင်ၼႆႉ မိူဝ်ႈဝူင်ႈဢွၼ်တၢင်းၼႂ်းလိူၼ်ဢေႃးၵၢတ်ႊ ၼၼ်ႉၵေႃႈသမ်ႉ ပေႃးၺႃးၽေး ၼမ်ႉ ထူမ်ႈ ယႂ်ႇလူင် ၵမ်းၼိုင်ႈယူႇယဝ်ႉ။
ၼႂ်းၵႄႈဝၼ်းထိ 9 လိူၼ်ဢေႃးၵၢတ်ႊ လႄႈဝၼ်းထိ 3 လိူၼ်သႅမ်ႊထႅမ်ႊပိူဝ်ႊ ၼၼ်ႉ သိုၵ်း ၼွၵ်ႈသေသိုၵ်း မၢၼ်ႈ ပိုတ်ႇၼႃႈသိုၵ်း တီႈၸႄႈဝဵင်း ၵျွၵ်းမႄးယူႇယဝ်ႉ သိုၵ်းမၢၼ်ႈယင်းဢဝ်ၶိူင်ႈမိၼ်တိုၵ်းပွႆႇမၢၵ်ႇတီႈဝဵင်း မိူင်းၵုတ်ႈထႅင်ႈသေ ႁဵတ်း ႁႂ်ႈ ၵူၼ်းမိူင်းလုတၢႆ 29 ၵေႃႉမၢတ်ႇၸဵပ်း 14 ၵေႃႉ လႄႈသိုၵ်းမၢၼ်ႈဢဝ်ၶိူင်ႈမိၼ် တိုၵ်းပွႆႇ မၢၵ်ႇတီႈသီႇပေႃႉ ထႅင်ႈသွင်လုၵ်ႈ၊ လုၵ်ႈၼိုင်ႈတူၵ်းၼႂ်းဝဵင်း ၺႃးၵူၼ်းမိူင်းမၢတ်ႇၸဵပ်း 3 ၵေႃႉ၊ ထႅင်ႈလုၵ်ႈၼိုင်ႈတူၵ်းႁိမ်းၽြႃးၵိုၵ်းပိုၼ်းၵၢင်ႉမေႃႇ တိူဝ်ႉပႃးတိုၵ်းၽြႃးၵၢင်ႉမေႃႇ လႄႈမီးၵူၼ်းမၢတ်ႇၸဵပ်း ထႅင်ႈ ၼိုင်ႈၵေႃႉ။
ဝၼ်းထိ 4/9/2025 ၶၢဝ်းယၢမ်း 10:30 ၵၢင်ၼႂ် သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇ မၢၵ်ႇၼိူဝ်ဝၢၼ်ႈပၢင်ၵွၼ် ၼႂ်းၸႄႈဝဵင်းၵျွၵ်းမႄး၊ ၸၢၵ်ႇမၢၵ်ႇ တိူဝ်ႉၺႃးၸဝ်ႈသၢင်ႇဢႃယု 14 တူၼ်ၼိုင်ႈ မၢတ်ႇၸဵပ်း၊ ၸၢၵ်ႇမၢၵ်ႇတိူဝ်ႉၺႃးၵွင်းမူးသၢမ်သူႇ လုၵွႆပႃး။
ဝၼ်းထိ 4/9/2025 ၶၢဝ်းယၢမ်း 12:00 ၵၢင်ဝၼ်း သိုၵ်းမၢၼ်ႈဢဝ် ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇ မၢၵ်ႇၼိူဝ်ဝၢၼ်ႈပၢင်သပေႇ ဢိူင်ႇပၢင်ၵွၼ် ၸႄႈဝဵင်းၵျွၵ်းမႄး၊ ၸၢၵ်ႇမၢၵ်ႇ တိူဝ်ႉၺႃးထဝ်ႈယိင်း ဢႃယု 63 ၵေႃႉၼိုင်ႈမၢတ်ႇၸဵပ်း၊ ၸၢၵ်ႇမၢၵ်ႇတိူဝ်ႉၺႃးႁိူၼ်းသၢမ်လင်လႄႈႁူင်းႁဵၼ်းၼိုင်ႈလုၵွႆပႃး။
ဝၼ်းထိ 4/9/2025 ၶၢဝ်းယၢမ်း 9:00 ၵၢင်ၶမ်ႈ သိုၵ်းမၢၼ်ႈ ဢဝ်ၵွင်ႈလူင်ယိုဝ်းၶဝ်ႈၼႂ်း ဝၢၼ်ႈ မၢၵ်ႇမၼ်ႉ ၵုင်းၵေႃႇ ဢိူင်ႇ ၶၢႆးတူၼ်ႈႁုင်း ၸႄႈဝဵင်းၵျွၵ်းမႄး။ ႁဵတ်းႁႂ်ႈလုင်းဝႃႇယႃႇမႃႉ လႄႈ ပႃႈလႃႉၶိၼ်ႇ သွင်ၽူဝ်မေး တၢႆထင်တီႈ။ ၸၢၵ်ႇမၢၵ်ႇတိူဝ်ႉၺႃးႁိူၼ်းလၢႆလၢႆလင်လုၵွႆပႃး။
ၶၢဝ်းတၢင်းသိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇ၊ ဢဝ်ၵွင်ႈလူင်ယိုဝ်းလႄႈ ႁဵတ်းႁႂ်ႈၵူၼ်းမိူင်းမီးလွင်ႈလုတၢႆ၊ မၢတ်ႇၸဵပ်း ၼႂ်းၸႄႈဝဵင်းမိူင်းၵုတ်ႈ၊ ၵျွၵ်းမႄးလႄႈသီႇပေႃႉ (ဝၼ်းထိ 9/8/2025 – 6/9/2025)
ဝၼ်းထိ 9/8/2025 ၶၢဝ်းယၢမ်း 8:30 ၵၢင်ၼႂ် သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်းၼိုင်ႈ မႃးပွႆႇ မၢၵ်ႇ ၼမ်ႉၼၵ်း 500 ပွင်ႊ မႃးပွႆႇတီႈဝတ်ႉ/ၵျွင်း ၵျွၵ်ႉၼႃႉၶႃး ဝဵင်းမိူင်းၵုတ်ႈ တိူဝ်ႉၺႃးၵူၼ်း မိူင်းတၢႆ 5 ၵေႃႉ ပႃး တင်း ၸဝ်ႈသၢင်ႇ 1 တူၼ်၊ ၵူၼ်းမိူင်းမၢတ်ႇၸဵပ်း 1 ၵေႃႉ၊ တိုၵ်းဝတ်ႉ/ၵျွင်းလုၵွႆ 1 လင်လႄႈႁိူၼ်း ၵူၼ်းမိူင်း လုၵွႆၸွမ်းလၢႆလၢႆလင်။
ဝၼ်းထိ 13/8/2025 ၶၢဝ်းယၢမ်း 00:30 ၵၢင်ၼႂ်ၸဝ်ႉၸဝ်ႉ သိုၵ်းမၢၼ်ႈဢဝ်ၶိူင်ႈမိၼ်တိုၵ်းမႃးပွႆႇမၢၵ်ႇ 2 လုၵ်ႈ တီႈ ဝၢၼ်ႈပၢင်ပဝ်း ၼႂ်းၸႄႈဝဵင်းၵျွၵ်းမႄး တိူဝ်ႉၺႃးႁိူၼ်းယေးလုၵွႆ 10 လင်။
ဝၼ်းထိ 14/8/2025 ၶၢဝ်းယၢမ်း 8:30 ၵၢင်ၶမ်ႈ သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်းၼိုင်ႈ မႃးပွႆႇ မၢၵ်ႇၼမ်ႉၼၵ်း 500 ပွင်ႊသွင်လုၵ်ႈ တီႈဝတ်ႉ လိၼ်းယွင်ႇၶျီႇ ၼႂ်းပွၵ်ႉသူၺ်ႇၵူႇ တၢင်းဢွၵ်ႇ ဝဵင်းမိူင်းၵုတ်ႈ။ မၢၵ်ႇလူင်တိူဝ်ႉၺႃးဝတ်ႉလႄႈႁိူၼ်းၵူၼ်းမိူင်းသိပ်းလင်၊ ၵူၼ်းမိူင်းလုတၢႆ 21 ၼႂ်း 5 လင်ႁိူၼ်း- ၼၢင်းယိင်း 16 ၵေႃႉ ႁူမ်ႈတင်းမႄႈမၢၼ်း 3 ၵေႃႉလႄႈ ဢွၼ်ႇယိင်း 3 ၵေႃႉ၊ ၵူၼ်းၸၢႆး 5 ၵေႃႉ။ ၵူၼ်းမိူင်းမၢတ်ႇၸဵပ်းထႅင်ႈ 10 ၵေႃႉ။
ဝၼ်းထိ 17/8/2025 ၶၢဝ်းယၢမ်း 9 မူင်းၵၢင်ၼႂ် သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်းၼိုင်ႈ မႃးပွႆႇ မၢၵ်ႇၼမ်ႉၼၵ်း 500 ပွင်ႊ သွင်လုၵ်ႈ ၼိူဝ် ႁူင်းသဝ်း ပတ်ႉတမျႃး လႄႈယႄးငိုၼ်းမၢၼ်ႈ ဢၼ်မီးတၢင်း ဢွၵ်ႇ ဝဵင်းမိူင်းၵုတ်ႈ၊ တိူဝ်ႉၺႃးႁူင်းသဝ်း၊ ယႄးငိုၼ်းလႄႈႁိူၼ်းၵူၼ်းမိူင်းလုၵွႆလၢႆလၢႆလင်။ ၵူၼ်း မိူင်းလုတၢႆ 3 ၵေႃႉ ပႃးတင်းလုၵ်ႈဢွၼ်ႇၼိုင်ႈၵေႃႉ၊ ၵူၼ်းမိူင်းမၢတ်ႇၸဵပ်းထႅင်ႈ 1 ၵေႃႉ။
ဝၼ်းထိ 18/8/2025 ၶၢဝ်းယၢမ်း 9:30 ၵၢင်ၼႂ် Jet Fighter လမ်းၼိုင်ႈ မႃးပွႆႇမၢၵ်ႇၼမ်ႉၼၵ်း 500 ပွင်ႊသွင် လုၵ်ႈ ၼိူဝ်ဝဵင်းသီႇပေႃႉ- မၢၵ်ႇလုၵ်ႈၼိုင်ႈတူၵ်းၼႂ်းပွၵ်ႉၸၢင်ႈၶမ်းၸၢၼ်း ထႅင်ႈလုၵ်ႈၼိုင်ႈ တူၵ်းၼႂ်းပွၵ်ႉ တူၵ်း တိူဝ်ႉၺႃးၵူၼ်းမိူင်းမၢတ်ႇၸဵပ်း 3 ၵေႃႉလႄႈႁိူၼ်းယေးလုၵွႆ သိပ်းလင်။
ဝၼ်းထိ 18/8/2025 ၶၢဝ်းယၢမ်း 9:30 ၵၢင်ၼႂ် Jet Fighter လမ်းၼိုင်ႈ မႃးပွႆႇမၢၵ်ႇၼမ်ႉၼၵ်း 500 ပွင်ႊသွင် လုၵ်ႈ ၼိူဝ်ဝဵင်းသီႇပေႃႉ- မၢၵ်ႇလုၵ်ႈၼိုင်ႈတူၵ်းၼႂ်းပွၵ်ႉၸၢင်ႈၶမ်းၸၢၼ်း ထႅင်ႈလုၵ်ႈၼိုင်ႈ တူၵ်းၼႂ်းပွၵ်ႉ တူၵ်း တိူဝ်ႉၺႃးၵူၼ်းမိူင်းမၢတ်ႇၸဵပ်း 3 ၵေႃႉလႄႈႁိူၼ်းယေးလုၵွႆ ၵဝ်ႈလင်။
ဝၼ်းထိ 18/8/2025 ၶၢဝ်းယၢမ်း 9 မူင်း ၵၢင်ၼႂ် သိုၵ်းမၢၼ်ႈဢၼ်ယူႇတီႈၶူဝ်ႁူၺ်ႈၵိုတ်ႈ ဢဝ်မၢၵ်ႇလူင်ယိုဝ်း 5 လုၵ်ႈယဝ်ႉဢဝ်ၻရူၼ်ႊ ပွႆႇမၢၵ်ႇ ၼႂ်း ပွၵ်ႉ 5 ဢိူင်ႇၼွင်ပိင်လူင် ၸႄႈဝဵင်း ၵျွၵ်းမႄး၊ တိူဝ်ႉၺႃးၵူၼ်းမိူင်းတၢႆ 1 ၵေႃႉ၊ ၸဝ်ႈသၢင်ႇဢွၼ်ႇတူၼ် 1 (ဢႃယု 6 ၶူပ်ႇ) မၢတ်ႇၸဵပ်း လႄႈတိူဝ်ႉၺႃးဝတ်ႉ တင်းႁိူၼ်းၵူၼ်းမိူင်း သိပ်း လင် လုၵွႆၸွမ်း။
ဝၼ်းထိ 18/8/2025 ၶၢဝ်းယၢမ်း 3 မူင်း ဝၢႆးဝၼ်း သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်း ၼိုင်ႈ မႃးပွႆႇ မၢၵ်ႇ ၼိူဝ်ပွၵ်ႉၵျႅတ်ႉပျီႉ ဝဵင်းမိူင်းၵုတ်ႈ၊ တိူဝ်ႉၺႃးၵူၼ်းမိူင်းၵေႃႉၼိုင်ႈမၢတ်ႇၸဵပ်း လႄႈ ႁိူၼ်း ယေးၵူၼ်းမိူင်း လုၵွႆလၢႆလၢႆလင်။
ဝၼ်းထိ 18/8/2025 ၶၢဝ်းယၢမ်းဝၢႆးဝၼ်း သိုၵ်းမၢၼ်ႈၼွင်ၶဵဝ် ဢဝ်ၻရူၼ်ႊပွႆႇမၢၵ်ႇလႄႈဢဝ်ၵွင်ႈ လူင်ယိုဝ်း ၶဝ်ႈ ၼႂ်းဝၢၼ်ႈၼွင်ပိင်လူင် လႄႈဝၢၼ်ႈႁိမ်းႁွမ်း ၼႂ်းၸႄႈဝဵင်းၵျွၵ်းမႄး တိူဝ်ႉၺႃးႁိူၼ်း ယေးၵူၼ်းဝၢၼ်ႈ လုၵွႆသိပ်းလင်။
ဝၼ်းထိ 19/8/2025 ၶၢဝ်းယၢမ်း 1:00 မူင်းဝၢႆးဝၼ်း သိုၵ်းမၢၼ်ႈၼွင်ၶဵဝ် ဢဝ်မၢၵ်ႇလူင်ယိုဝ်းၶဝ်ႈၼႂ်း ဝၢၼ်ႈ တူၼ်ႈထၢၼ်၊ တိူဝ်ႉၺႃးၵူၼ်းဝၢၼ်ႈတၢႆ 1 ၵေႃႉ၊ ၸဝ်ႈသၢင်ႇဢွၼ်ႇမၢတ်ႇၸဵပ်း 1 တူၼ်လႄႈ ႁိူၼ်းယေးၵူၼ်း ဝၢၼ်ႈလုၵွႆလၢႆလၢႆလင်။ ဝၢႆးၼၼ်ႉသိုၵ်းမၢၼ်ႈ သိုပ်ႇၶၢမ်ႈဝၢၼ်ႈတူၼ်ႈထၢၼ်ၵႂႃႇၸူး ဝၢၼ်ႈၼွင်ပိင် ၼႂ်းၸႄႈ ဝဵင်း ၵျွၵ်းမႄး။
ဝၼ်းထိ 20/8/2025 ၶၢဝ်းယၢမ်း 10:30 ၵၢင်ၼႂ် ၶိူင်ႈမိၼ်တိုၵ်း Jet Fighter သိုၵ်းမၢၼ်ႈလမ်းၼိုင်ႈ မႃးပွႆႇမၢၵ်ႇ ၼမ်ႉ ၼၵ်း 500 ပွင်ႊ 1 လုၵ်ႈ ၼႂ်း ဝၢၼ်ႈပၢင်တီး ဢိူင်ႇၼွင်ပိင် ၸႄႈဝဵင်းၵျွၵ်းမႄး။ တိူဝ်ႉၺႃး ၵူၼ်းဝၢၼ်ႈ တၢႆသိပ်းဢဵတ်းၵေႃႉ (ထဝ်ႈယိင်း 6 ၵေႃႉ၊ ဢွၼ်ႇယိင်း 2 ၵေႃႉ၊ ဢွၼ်ႇၸၢႆး 1 ၵေႃႉ လႄႈထဝ်ႈၸၢႆး 2 ၵေႃႉ) လႄႈ ၵူၼ်း မၢတ်ႇၸဵပ်းထႅင်ႈ 31 ၵေႃႉ (ၸၢႆး 15 လႄႈယိင်း 16 ၵေႃႉ)။
ဝၢႆးၼၼ်ႉဢမ်ႇပေႃးႁိုင် ၶိူင်ႈမိၼ်တိုၵ်း Jet Fighter သိုၵ်းမၢၼ်ႈထႅင်ႈလမ်းၼိုင်ႈဢဝ်မၢၵ်ႇၼမ်ႉၼၵ်း 500 ပွင်ႊၵႂႃႇ ပွႆႇတီႈ ဝၢၼ်ႈလုၵ်းပႃ၊ တိူဝ်ႉၺႃးၵူၼ်းဝၢၼ်ႈတၢႆ 2 ၵေႃႉ ပႃးတင်းဢွၼ်ႇယိင်း 1 ၵေႃႉ၊ ၵူၼ်းဝၢၼ်ႈ မၢတ်ႇ ၸဵပ်း 1 ၵေႃႉ လႄႈတိူဝ်ႉၺႃးႁိူၼ်းယေးလုၵွႆထႅင်ႈလၢႆလၢႆလင်။
ဝၼ်းၼၼ်ႉၵူၺ်းၼင်ႇၵဝ်ႇ သိုၵ်းမၢၼ်ႈဢၼ်ယူႇတီႈၶူဝ်ႁူၺ်ႈၵိုတ်ႈလႄႈဝၢၼ်ႈတူၼ်ႈထၢၼ် ဢဝ် ၵွင်ႈလူင် ၶဝ်ယိုဝ်းလႄႈဢဝ်ၻရူၼ်ႊပွႆႇမၢၵ်ႇၼႂ်း ဝၢၼ်ႈပၢင်မၢၵ်ႇၶေႃ၊ ပၢင်ပဝ်း၊ ပၢင်တိုင်၊ ၵျွင်းၵုင်း၊ ၶိူဝ်းၼိမ်း၊ လွႆၵူင် ၼႂ်းၸႄႈဝဵင်းၵျွၵ်းမႄး ဢိၵ်ႇတင်းၼႂ်းဝဵင်းၵျွၵ်းမႄး။ တိူဝ်ႉၺႃးႁိူၼ်းယေးၵူၼ်း မိူင်းၼႂ်းပွၵ်ႉ 1 လႄႈပွၵ်ႉ 2 လုၵ်ႉပဵၼ်ၾႆးမႆႈ လၢႆလၢႆလင်။
ဝၼ်းထိ 21/8/2025 ၶၢဝ်းယၢမ်း 7 မူင်းႁူဝ်ၶမ်ႈ သိုၵ်းမၢၼ်ႈ ဢဝ်ၶိူင်ႈမိၼ်သႅၼ်း Y-12 Jet fighter မႃးပွႆႇမၢၵ်ႇ 40 လုၵ်ႈပၢႆ ၼိူဝ် ဝၢၼ်ႈၼွင်ပိင်လႄႈဝတ်ႉ/ၵျွင်းၼၢမ်ႇမိူင်း ၼႂ်းဝဵင်းၵျွၵ်းမႄး။ ႁိူၼ်း ၵူၼ်း ဝၢၼ်ႈ လၢႆလၢႆလင် လႄႈ ဝတ်ႉ/ၵျွင်းလုၵွႆ။
ဝၼ်းထိ 22/8/2025 ၶၢဝ်းယၢမ်း 5 ႁူဝ်ၶမ်ႈဢဝ်ၵွင်ႈလူင်ယိုဝ်းၶဝ်ႈၼႂ်း ပွၵ်ႉ 1၊ 2 လႄႈ ပွၵ်ႉ 4 ဝဵင်းၵျွၵ်း မႄး ႁဵတ်း ႁႂ်ႈၾႆးမႆႈႁိူၼ်းၵူၼ်းမိူင်း 5 လင်။ ဝၢႆးၼၼ်ႉသိုၵ်းမၢၼ်ႈဢဝ် ၶိူင်ႈမိၼ်တိုၵ်း Jet fighter မႃး ပွႆႇမၢၵ်ႇ 30 လုၵ်ႈ ၼႂ်းဝဵင်းၵျွၵ်းမႄးသေ တိူဝ်ႉၺႃးႁိူၼ်းၵူၼ်းမိူင်းလုၵွႆလၢႆလၢႆလင်။
ဝၼ်းထိ 23/8/2025 ၶၢဝ်းယၢမ်း 9:30 ၵၢင်ၼႂ် သိုၵ်းမၢၼ်ႈၸိူဝ်းမႃးမီးတီႈ ဝၢၼ်ႈၼွင်ပိင် လႄႈဝၢၼ်ႈ တူၼ်ႈ ထၢၼ် ၵႂႃႇသွၵ်ႈတဝ်ဢဝ်ၶူဝ်းၶွင်ၵူၼ်းဝၢၼ်ႈသေ ယိုဝ်းၵူၼ်းဝၢၼ်ႈၼႂ်းႁိူၼ်းလင်လဵဝ်သၢမ် ၵေႃႉ- ပေႃႈၸဝ်ႈ ႁိူၼ်းဢႃယု 45 တၢႆထင်တီႈ၊ ၵေႃႉပဵၼ်ၼၢင်းမေးလႄႈလုၵ်ႈယိင်းမၢတ်ႇၸဵပ်း။
ဝၼ်းထိ 23/8/2025 ၶၢဝ်းယၢမ်း 3:30 ဝၢႆးဝၼ်း ၶိူင်ႈမိၼ်တိုၵ်း Jet fighter သိုၵ်းမၢၼ်ႈလမ်းၼိုင်ႈ ဢဝ် မၢၵ်ႇ ၼမ်ႉၼၵ်း 500 ပွင်ႊသွင်လုၵ်ႈ မႃးပွႆႇတီႈဝတ်ႉ/ၵျွင်းၵွင်းသလၢမ်း ဝဵင်းမိူင်းငေႃႉ ၸႄႈဝဵင်းၵျွၵ်း မႄး။ ၸၢၵ်ႇ မၢၵ်ႇ တိူဝ်ႉၺႃးဢွၼ်ႇၸၢႆး (ဢႃယု 10 ၶူပ်ႇ) ၵေႃႉၼိုင်ႈတၢႆ၊ တိူဝ်ႉၺႃးၸဝ်ႈသၢင်ႇတူၼ် 1၊ ၸဝ်ႈၸၢင်း 2 တူၼ်၊ ၵူၼ်းမိူင်းၸၢႆး 2 ၵေႃႉ၊ ၼၢင်းယိင်း 2 ၵေႃႉမၢတ်ႇၸဵပ်းယဝ်ႉ ႁိူၼ်းၵူၼ်းမိူင်း 12 လင်၊ ႁူင်းတူၺ်းလိၵ်ႈ 1 လင်၊ ႁွင်ႈပၼ်ယႃ 1 လင်၊ ဝတ်ႉ/ၵျွင်း 1 လင်၊ ႁွင်ႈၵိၼ်ၶဝ်ႈ 1 လင် လႄႈသိမ်ႇၵျွင်း လုၵွႆပႃး။
ဝၼ်းထိ 24/8/2025 ၶၢဝ်းယၢမ်း ၵၢင်ၼႂ် သိုၵ်းမၢၼ်ႈ ဢဝ်ၵွင်ႈလူင် ယိုဝ်းလႄႈဢဝ်ၻ ရူၼ်ႊပွႆႇမၢၵ်ႇ တီႈဝၢၼ်ႈ ၼွင်ပိင်။ တိူဝ်ႉၺႃးႁိူၼ်းၵူၼ်းဝၢၼ်ႈ 7 လင်လႄႈ ႁၢၼ်ႉၶၢႆၶူဝ်းၼႂ်းၵၢတ်ႇဝၢၼ်ႈၼွင်ပိင် လုၵ်ႉပဵၼ်ၾႆး။
ဝၼ်းထိ 24/8/2025 ၶၢဝ်းယၢမ်း ၵၢင်ဝၼ်း ၶိူင်ႈမိၼ်တိုၵ်း Jet fighter သိုၵ်းမၢၼ်ႈလမ်းၼိုင်ႈ ဢဝ်မၢၵ်ႇမႃး ပွႆႇ ၼိူဝ်ၼမ်ႉၼၵ်း 500 ပွင်ႊ ဝၢၼ်ႈလူင်ၵဵင် ၸႄႈဝဵင်းၵျွၵ်းမႄး တိူဝ်ႉၺႃးၵူၼ်းဝၢၼ်ႈၸၢႆးတၢႆ 2 ၵေႃႉ၊ မၢတ်ႇၸဵပ်း 8 ၵေႃႉလႄႈ ႁိူၼ်းယေး လုၵွႆ 10 လင်။
ဝၼ်းၼၼ်ႉၵူၺ်းၼင်ႇၵဝ်ႇယၢမ်းၵၢင်ဝၼ်း သိုၵ်းမၢၼ်ႈယိုဝ်း ၵူၼ်းပၢႆႈၽေး သွင်ၽူဝ်မေးတၢႆ (ၵူဝ်ႇ ဝိၼ်း လုၺ်ႇ ဢႃယု 40 လႄႈ မႃႉၶျေႃး ဢႃယု 37) ဢၼ်တိုၵ်ႉပၢႆႈၽေးယူႇဝႆႉၼႂ်း ဝၢၼ်ႈ တူၼ်ႈထၢၼ် ၸႄႈဝဵင်းၵျွၵ်း မႄး။
ဝၼ်းထိ 25/8/2025 ၶၢဝ်းယၢမ်း 11:30 ၵၢင်ၼႂ် ၶိူင်ႈမိၼ်တိုၵ်း Jet fighter သိုၵ်းမၢၼ်ႈလမ်းၼိုင်ႈဢဝ် မၢၵ်ႇ ၼမ်ႉ ၼၵ်း 250 ပွင်ႊသွင်လုၵ်ႈ မႃးပွႆႇၼႂ်း ပွၵ်ႉ 7 ဝဵင်းၵျွၵ်းမႄး၊ တိူဝ်ႉၺႃးၸဝ်ႈသၢင်ႇသၢမ်တူၼ် လႄႈၵူၼ်း ၸၢႆးၼႂ်းဝတ်ႉ/ၵျွင်းဝႃႇသူဝ်ႇ မၢတ်ႇၸဵပ်းယဝ်ႉ ႁိူၼ်းယေးၵူၼ်းမိူင်းလုၵွႆ 22 လင်လႄႈ တိုၵ်းဝတ်ႉဝႃႇသူဝ်ႇ 4 လင် ပႃးတင်းလူတ်ႉ/ၵႃးသွင်လမ်းဢၼ်မီးၼႂ်းဝၢင်းၵျွင်းလုၵွႆပႃး။
ဝၼ်းထိ 25/8/2025 ၶၢဝ်းယၢမ်း 11:30 ၵၢင်ၶမ်ႈၶိူင်ႈမိၼ်သိုၵ်းမၢၼ်ႈမႃးပွႆႇမၢၵ်ႇၼိူဝ် ပွၵ်ႉလိူမ်ႈလႆႇ ဝဵင်းမိူင်း ၵုတ်ႈ တိူဝ်ႉၺႃးၵူၼ်းမိူင်းၵေႃႉၼိုင်ႈမၢတ်ႇၸဵပ်း၊ ႁိူၼ်းယေးလုၵွႆလၢႆလၢႆလင်လႄႈ ဝတ်ႉ/ ၵျွင်းသိၼ်ႇ တွင်ႇၵေႃႈလုၵွႆပႃး။
ဝၼ်းထိ 29/8/2025 ၶၢဝ်းယၢမ်း 2 မူင်းၵၢင်ဝၼ်း သိုၵ်းမၢၼ်ႈဢၼ် ယူႇတီႈၶူဝ် ႁူၺ်ႈၵိုတ်ႈ ဢဝ်မၢၵ်ႇ လူင် ယိုဝ်း ၶဝ်ႈၼႂ်းဝၢၼ်ႈ ၶၢႆးတူၼ်ႈႁုင်း ဢိူင်ႇဢီႇၼၢႆးသေ တိူဝ်ႉၺႃးၵူၼ်းဝၢၼ်ႈၸၢႆး ႁွင်ႉဢူးၸူဝ်းမွင်ႇ ၼႂ်း ဝၢၼ်ႈတၢႆ။
ဝၼ်းထိ 29/8/2025 ၶၢဝ်းယၢမ်း 11:30 ၵၢင်ၶမ်ႈ ၶိူင်ႈမိၼ်တိုၵ်း Jet fighter သိုၵ်းမၢၼ်ႈ လမ်းၼိုင်ႈ ဢဝ်မၢၵ်ႇ ၼမ်ႉၼၵ်း 250 ပွင်ႊမႃးပွႆႇၼိူဝ် ဝၢၼ်ႈပၢင်သပေႇ ၼႂ်းၸႄႈဝဵင်းၵျွၵ်းမႄး၊ တိူဝ်ႉၺႃးၵူၼ်း ဝၢၼ်ႈ တၢႆသၢမ် ၵေႃႉ (ဢွၼ်ႇယိင်း 2 ၵေႃႉလႄႈ ၸဝ်ႈၶၢဝ် ယႃႇဢေးဢေး ဢႃယု 44 ၼိုင်ႈ တူၼ်)၊ ၵူၼ်းမိူင်းမၢတ်ႇၸဵပ်းထႅင်ႈ 6 ၵေႃႉ (ၸဝ်ႈၸၢင်း 2 တူၼ်၊ ၸဝ်ႈသၢင်ႇ 3 တူၼ်လႄႈၵူၼ်းမိူင်းၸၢႆး 1 ၵေႃႉ) ယဝ်ႉတိူဝ်ႉၺႃးႁိူၼ်းၵူၼ်းမိူင်း 4 လင် လႄႈဝတ်ႉ/ၵျွင်း 1 လင် လုၵွႆပႃး။
ဝၼ်းထိ 30/8/2025 ၶၢဝ်းယၢမ်း 10:00 ၵၢင်ၶမ်ႈ ၶိူင်ႈမိၼ်တိုၵ်း Jet fighter သိုၵ်းမၢၼ်ႈ လမ်းၼိုင်ႈ ဢဝ်မၢၵ်ႇ မႃးပွႆႇၼိူဝ် ဝၢၼ်ႈလွႆၶေႃ ၼႂ်းၸႄႈဝဵင်း ၵျွၵ်းမႄး တိူဝ်ႉၺႃးႁိူၼ်းယေးလုၵွႆ 5 လင်။
ဝၼ်းထိ 3/9/2025 ၶၢဝ်းယၢမ်း 13:30 ၵၢင်ဝၼ်း ၶိူင်ႈမိၼ်တိုၵ်း Jet fighter သိုၵ်းမၢၼ်ႈ လမ်းၼိုင်ႈ ဢဝ်မၢၵ်ႇ မႃးပွႆႇၼိူဝ်ဝၢၼ်ႈၵၢင်ႉမေႃႇ၊ မၢၵ်ႇတူၵ်းတႅၵ်ႇယၢၼ်ၵႆတေႃႈၵႅတ်ႊၼမ်ႉမၼ်းၶႄႇ 200 မႄႊတိူဝ်ႊ၊ တိူဝ်ႉၺႃး ၵူၼ်းဝၢၼ်ႈၸၢႆးၵေႃႉၼိုင်ႈမၢတ်ႇၸဵပ်း၊ ၸၢၵ်ႇမၢၵ်ႇတိူဝ်ႉၺႃးတိုၵ်းဝတ်ႉ ၽြႃးၵၢင်ႉမေႃႇ ဢၼ်ၵိုၵ်းပိုၼ်းမႃး ပီယၢဝ်းၶၢဝ်းႁိုင်ၼၼ်ႉလင်ၼိုင်ႈလႄႈ တိူဝ်ႉပႃးႁိူၼ်းၵူၼ်းဝၢၼ်ႈထႅင်ႈသၢမ်လင်လုၵွႆ။
ဝၼ်းထိ 4/9/2025 ၶၢဝ်းယၢမ်း 10:30 ၵၢင်ၼႂ် သိုၵ်းမၢၼ်ႈဢဝ်ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇ မၢၵ်ႇၼိူဝ်ဝၢၼ်ႈပၢင်ၵွၼ် ၼႂ်းၸႄႈဝဵင်းၵျွၵ်းမႄး၊ ၸၢၵ်ႇမၢၵ်ႇ တိူဝ်ႉၺႃးၸဝ်ႈသၢင်ႇဢႃယု 14 တူၼ်ၼိုင်ႈ မၢတ်ႇၸဵပ်း၊ ၸၢၵ်ႇမၢၵ်ႇတိူဝ်ႉၺႃးၵွင်းမူးသၢမ်သူႇ လုၵွႆပႃး။
ဝၼ်းထိ 4/9/2025 ၶၢဝ်းယၢမ်း 12:00 ၵၢင်ဝၼ်း သိုၵ်းမၢၼ်ႈဢဝ် ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇ မၢၵ်ႇၼိူဝ်ဝၢၼ်ႈပၢင်သပေႇ ဢိူင်ႇပၢင်ၵွၼ် ၸႄႈဝဵင်းၵျွၵ်းမႄး၊ ၸၢၵ်ႇမၢၵ်ႇ တိူဝ်ႉၺႃးထဝ်ႈယိင်း ဢႃယု 63 ၵေႃႉၼိုင်ႈမၢတ်ႇၸဵပ်း၊ ၸၢၵ်ႇမၢၵ်ႇတိူဝ်ႉၺႃးႁိူၼ်းသၢမ်လင်လႄႈႁူင်းႁဵၼ်းၼိုင်ႈလုၵွႆပႃး။
ဝၼ်းထိ 4/9/2025 ၶၢဝ်းယၢမ်း 9:00 ၵၢင်ၶမ်ႈ သိုၵ်းမၢၼ်ႈ ဢဝ်ၵွင်ႈလူင်ယိုဝ်းၶဝ်ႈၼႂ်း ဝၢၼ်ႈ မၢၵ်ႇမၼ်ႉ ၵုင်းၵေႃႇ ဢိူင်ႇ ၶၢႆးတူၼ်ႈႁုင်း ၸႄႈဝဵင်းၵျွၵ်းမႄး။ ႁဵတ်းႁႂ်ႈလုင်းဝႃႇယႃႇမႃႉ လႄႈ ပႃႈလႃႉၶိၼ်ႇ သွင်ၽူဝ်မေး တၢႆထင်တီႈ။ ၸၢၵ်ႇမၢၵ်ႇတိူဝ်ႉၺႃးႁိူၼ်းလၢႆလၢႆလင်လုၵွႆပႃး။
ဝၼ်းထိ 5/9/2025 ၶၢဝ်းယၢမ်း ၵၢင်ၼႂ် သိုၵ်းမၢၼ်ႈဢဝ် ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇ မၢၵ်ႇ ၼိူဝ်ဝၢၼ်ႈ ၵွင်းမူးလႅင် ၸႄႈဝဵင်းၵျွၵ်းမႄး။ ႁဵတ်းႁႂ်ႈ ႁိူၼ်းၵူၼ်းဝၢၼ်ႈလုၵွႆ 5 လင်။ ဝၼ်းၼၼ်ႉၵူၺ်း ၼင်ႇၵဝ်ႇ ၶၢဝ်းယၢမ်း 3 မူင်းဝၢႆးဝၼ်း သိုၵ်းမၢၼ်ႈဢဝ် ၶိူင်ႈမိၼ်တိုၵ်း Jet Fighter လမ်းၼိုင်ႈမႃးပွႆႇမၢၵ်ႇ လုၵ်ႈၼိုင်ႈ ၼိူဝ်ဝၢၼ်ႈၽီတိုတ်ႉ တိူဝ်ႉၺႃးၵူၼ်းဝၢၼ်ႈသွင်ၵေႃႉၵေႃႉတၢႆ၊ ပဵၼ်လုင်း ၼၼ်ႇတိယ ဢႃယု 56 လႄႈ ပႃႈလူႇ ဢႃယု 54။ မၢၵ်ႇတိူဝ်ႉၺႃးႁိူၼ်းၵူၼ်းဝၢၼ်ႈလုၵွႆသွင်လင်။
ဝၼ်းထိ 6/9/2025 ၶၢဝ်းယၢမ်း 7 မူင်းႁူဝ်ၶမ်ႈ သိုၵ်းမၢၼ်ႈဢဝ်ၶိူင်ႈမိၼ်တိုၵ်းမႃးပွႆႇမၢၵ်ႇ ၼိူဝ်ပွၵ်ႉ 7 ဝဵင်းၵျွၵ်း မႄး တိူဝ်ႉၺႃးႁိူၼ်းယေးလုၵွႆ 5 လင်။
သၢႆမၢႆၵူၼ်းမိူင်းသိပ်းဢဵတ်းၵေႃႉ ဢၼ်ၺႃးၸၢၵ်ႇမၢၵ်ႇၶိူင်ႈမိၼ်တိုၵ်းသိုၵ်းမၢၼ်ႈမႃးပွႆႇသေ လႆႈလုတၢႆ ၼႂ်းဝၼ်းထိ 20/8/2025
| ၶပ်ႉမၢႆ | ၸိုဝ်ႈၵူၼ်းမိူင်းဢၼ်လုတၢႆ | ပိူင်ပဵၼ် | ဢႃယု |
| 1 | ပႃႈဢိင်ႇ | ယိင်း | 64 |
| 2 | ပႃႈလႃႉ | ယိင်း | 70 |
| 3 | ၼၢင်းသူၺ်ႇၵျႃႇ | ယိင်း | 50 |
| 4 | ပႃႈပု | ယိင်း | 60 |
| 5 | ပႃႈငိုၼ်းၸိင်ႇ | ယိင်း | 62 |
| 6 | ပႃႈထုၼ်း | ယိင်း | 55 |
| 7 | ၼၢင်းလွၼ်ႉဢူး | ယိင်း | 14 |
| 8 | ပႆႇႁပ်ႉႁူႉ (ဢွၼ်ႇယိင်း) | ယိင်း | 2 |
| 9 | ၸၢႆးလႅင်း | ၸၢႆး | 4 |
| 10 | လုင်းဢွင်ႇမျိၼ်ႉ | ၸၢႆး | 60 |
| 11 | လုင်းမႃႇလႃႇ | ၸၢႆး | 86 |
လုင်းမႃႇလႃႇ တၢႆတီႈႁူင်းယႃလႃႈသဵဝ်ႈမိူဝ်ႈဝၼ်းထိ 4/9/2025
သၢႆမၢႆ ၵူၼ်းမိူင်း 31 ၵေႃႉဢၼ်မၢတ်ႇၸဵပ်းယွၼ်ႉသိုၵ်းမၢၼ်ႈဢဝ်ၶိူင်ႈမိၼ်တိုၵ်း မႃးပွႆႇမၢၵ်ႇ ၼႂ်းဝၢၼ်ႈပၢင်တီး ၸႄႈဝဵင်းၵျွၵ်းမႄး မိူဝ်ႈဝၼ်းထိ 20/8/2025
| ၶပ်ႉမၢႆ | ၸိုဝ်ႈၵူၼ်းမိူင်းဢၼ်မၢတ်ႇၸဵပ်း | ပိူင်ပဵၼ် | ဢႃယု |
| 1 | ၸၢႆးၵျေႃႇလႅင်း | ၸၢႆး | 37 |
| 2 | ၸၢႆးလၢဝ်ၶမ်း | ၸၢႆး | 2 |
| 3 | ၸၢႆးၼုမ်ႇၵွၼ် | ၸၢႆး | 5 |
| 4 | ၼၢင်းလၢဝ်ၶမ်း | ယိင်း | 5 |
| 5 | ၼၢင်းသွႆႈႁွမ် | ယိင်း | 11 |
| 6 | ၼၢင်းႁွမ်လိုၼ်း | ယိင်း | 17 |
| 7 | ၼၢင်းၵဵင်ငိုၼ်း | ယိင်း | 24 |
| 8 | ပႃႈထူၺ်း | ယိင်း | 30 |
| 9 | ၼၢင်းၸူဝ်းၵျေႃႇ | ယိင်း | 33 |
| 10 | ပႃႈၶိၼ်ႇတွင်း | ယိင်း | 40 |
| 11 | ပႃႈဢုမ်ႈ | ယိင်း | 57 |
| 12 | ၽူးတႃႇၸိၼ်ႇဢူး | ယိင်း | n.a. |
| 13 | သၢင်ႇဝၼ်း | ၸၢႆး | n.a. |
| 14 | တေႃႇဢေးၶမ်း | ယိင်း | n.a. |
| 15 | ဢွင်ႇၶျိတ်ႉၶၢၼ်ႉ | ၸၢႆး | n.a. |
| 16 | ဢွင်ႇယူင်ႇ | ၸၢႆး | n.a. |
| 17 | တေႃႇၺူဝ်ႇ | ယိင်း | n.a. |
| 18 | ဢၢႆႈလေး | ၸၢႆး | n.a. |
| 19 | ဢူးၵျေႃႇၸဵင်ႇ | ၸၢႆး | n.a. |
| 20 | ဢၢႆႈမျိၼ်ႉ | ၸၢႆး | n.a. |
| 21 | မူၺ်လိုၼ်း | ယိင်း | n.a. |
| 22 | ႁေႇမႃႇၵျေႃႇလိၼ်း | ယိင်း | n.a. |
| 23 | ၵူဝ်ႇယိၼ်ႇ | ၸၢႆး | n.a. |
| 24 | မိၼ်းထုၼ်း | ၸၢႆး | n.a. |
| 25 | ဢူးဢၢႆႈလိုၼ်း | ၸၢႆး | n.a. |
| 26 | ဢူးၵျေႃႇတၢၼ်ႉ | ၸၢႆး | n.a. |
| 27 | တေႃႇၶိၼ်ႇမႃႇဢေး | ယိင်း | n.a. |
| 28 | ၶိၼ်ႇဢူး | ယိင်း | n.a. |
| 29 | သၢင်ႇႁိူင်း | ၸၢႆး | n.a. |
| 30 | ၶိၼ်ႇတွင်း | ၸၢႆး | n.a. |
| 31 | ဢေးၶမ်း | ယိင်း | n.a. |
ဢွင်ႈတီႈလႄႈႁူဝ်ၵူၼ်းပၢႆႈၽေးသိုၵ်းဢၼ်မႂ်ႇ ၼႂ်းၸႄႈဝဵင်းၵျွၵ်းမႄး
| ၶပ်ႉမၢႆ | ၸိုဝ်ႈဢွင်ႈတီႈယူႇ ၵူၼ်းပၢႆႈၽေး | ႁူဝ်ၵူၼ်းပၢႆႈၽေး |
| 1 | ဝတ်ႉ/ၵျွင်း ၶၢႆးလူင် ဢိူင်ႇပၢင်ႇပဝ်း | 83 |
| 2 | ဝတ်ႉ/ၵျွင်း တူၼ်ႈထၢၼ် | 95 |
| 3 | ၶိူဝ်းၼိမ်း | 50 |
| 4 | ၵုင်းၺွင်ႇ | 83 |
| 5 | ၼမ်ႉမေႃႇၽီလူး | 289 |
| 6 | ဝၢၼ်ႈၼမ်ႉႁၢင်ႈၶိူင်ႈ | 2162 |
| 7 | ႁူဝ်ၽၢႆ | 165 |
| 8 | ၼမ်ႉဝႃႈ | 108 |
| 9 | ယေႇသၢၼ်ႇ | 68 |
| 10 | ဝၢၼ်ႈပၢင်ၵႅၼ် | 48 |
| 11 | လွႆပဝ်း | 12 |
| 12 | ဝၢၼ်ႈႁၢႆးၵုၺ် | 1047 |
| 13 | ၼႃးသွင်း | 370 |
| 14 | ၼႃးၶေႃ | 35 |
| 15 | လိူဝ်ႇလွႆ | 47 |
| 16 | ၼႃးပုင်ႇ | 29 |
| 17 | ဝၢၼ်ႈၶႆႉ | 27 |
| 18 | ပုင်ႇဝူဝ်း | 762 |
| 19 | တေႃလိူဝ်ႇ | 20 |
| 20 | ၼမ်ႉၵိၼ်လီ | 63 |
| 21 | ၵုၼ်ႁႅၼ် | 61 |
| 22 | ၵုင်းၺွင်ႇ | 36 |
| 23 | မၢၼ်ႈထမ်ႈ | 32 |
| 24 | ပဵင်းထွၼ်ႇ | 11 |
| 25 | တွင်ႇၶေႇ | 40 |
| 26 | လွႆၵူင် | 415 |
| 27 | ၼွင်မိူင်း | 301 |
| 28 | ၶုမ်ႇၼိဝ်ႉ | 107 |
| 29 | ၼမ်ႉႁူး | 88 |
| 30 | လွႆၸွင်ႈ | 93 |
| 31 | ပၢင်ၸူင် | 135 |
| 32 | ၼွင်ၵႂၢင် | 300 |
| 33 | ၶွၵ်ႈဝူဝ်းလူင် | 18 |
| 34 | ဢႅၵ်ႉၵီး | 25 |
| 35 | ပၢင်လေႃႉ | 65 |
| 36 | ၼမ်ႉပႅၼ်ႈ | 60 |
| 37 | ၵျွင်းၶမ်း | 154 |
| 38 | ၽီတိုတ်ႉ | 92 |
| 39 | ပဵင်းသေႃႉ | 67 |
| 40 | ၵွင်းလၢင်း | 85 |
| 41 | ပူးၶႃး | 14 |
| 42 | ၶူဝ်တႅၼ်ႈ | 110 |
| 43 | ႁုင်းလၢႆး | 9 |
| 44 | ၸွမ်းတူင်ႈၼႃႈလႄႈၼႂ်းထိူၼ်ႇ | 700 |
| ႁူမ်ႈ | 8,663 |
တွင်ႈထၢမ်
ၸၢႆးႁေႃသႅင် +66 94 728 6696 Signal (ၽႃသႃတႆး၊ ဢင်းၵိတ်း)
ယိင်းလႅင်းႁၢၼ် +66 99 289 6080 Signal (ၽႃသႃမၢၼ်ႈ)
ၸၢႆးႁၵ်ႉၸႅတ်ႈ +1 343 304 5332 Signal (ၽႃသႃတႆး၊ ဢင်းၵိတ်း)
Download PDF files: