သိုၵ်းမၢၼ်ႈပူၼ်ႉပႅၼ်တဵၵ်းတဵင်ၸဝ်ႈၼႃးသၢမ်ၵေႃႉလႄႈယိုဝ်းၸဝ်ႈၼႃးၵေႃႉၼိုင်ႈၼႂ်းမိူင်းယဵၼ်ၸိုင်ႈတႆးပွတ်းႁွင်ႇ

By SHRF

ႁူဝ်ယွႆႈၵဵဝ်ႇၵပ်းလွင်ႈၵူၼ်းဝၢၼ်ႈၸိူဝ်းၺႃးပေႃႉထုပ်ႉၼင်ႇပႃႈတႂ်ႈၼႆႉ-

ၶပ်ႉမၢႆ ၸိုဝ်ႈ ဢႃယု ဝၢၼ်ႈတီႈယူႇ ႁွႆးၸဵပ်းယွၼ်ႉၺႃးပေႃႉ
1 လုင်းလႃႉဝိၼ်း 64 ၵိူတ်ႇတီႈၼမ်ႉတူႈသေမႃးႁဵတ်းၵၢၼ်တီႈၵုင်းပဝ်း ၺႃးပေႃႉတီႈသူပ်းသေႁဵတ်းႁႂ်ႈၶဵဝ်ႈ လွၼ်ႇၼိုင်ႈသိၵ်ႈလႄႈလိူတ်ႈတဵမ် သူပ်း
2 ၸၢႆးၺုၼ်ႉ 25 ပွၵ်ႉပူႇတႃႇလႃႈသဵဝ်ႈသေၶၢႆႉမႃးတီႈၵုင်းပဝ်း ၺႃးပိတ်ႉတီႈႁူဝ်သေႁဵတ်းႁႂ်ႈႁူၽၢႆႇ ၶႂႃသိၵ်ႇ
3 ၸၢႆးထုၼ်း 16 ဝၢၼ်ႈၵုင်းပဝ်း ၺႃးမတ်ႉမိုဝ်းပႄလင်သေပေႃႉ ထုပ်ႉတီႈႁူဝ်လႄႈႁဵတ်းႁႂ်ႈလိူတ်ႈ ဢွၵ်ႇ

ဝၢၼ်ႈၵုင်းပဝ်းၼႆႉမီးလင်ႁိူၼ်း 20 ပၢႆပႃးၸဵမ်ၸၢဝ်းၶၢင်၊လိသူး၊လႃးႁူႇလႄႈတႆးယူႇႁူမ်ႈၵၼ်။ၵုင်းပဝ်းၼႆႉယူႇတၢင်းၸဵင်ႇ ႁွင်ႇဝၼ်းတူၵ်းလႃႈသဵဝ်ႈလႄႈၸဵင်ႇၸၢၼ်းဝၼ်းဢွၵ်ႇမိူင်းယဵၼ်။ၼႂ်းပိုၼ်ႉတီႈၼႆႉမီးၸုမ်းမႅၵ်ႇၵွင်ႈၵၢင်ႇလၢႆလၢႆ ၸုမ်းတူင်ႉ ၼိုင်ဝႆႉပႃးၸဵမ်ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး

    1. ၸဝ်ႈၼႃးၺႃးယိုဝ်းၽွင်းပွၵ်ႈႁိူၼ်း

    မိူဝ်ႈဝၼ်းထိ 16/11/2016 ၼၼ်ႉၸဝ်ႈၼႃးၵေႃႉၼိုင်ႈဢႃယု 40 လႆႈၺႃးသိုၵ်းမၢၼ်ႈတပ်ႉ 69 ယိုဝ်းၽွင်းမၼ်းတိုၵ်ႉပွၵ်ႈ ႁိူၼ်းတီႈဝၢၼ်ႈၸၢၵ်ႈဢိူင်ႇမိူင်းပႃးထုင်ႉမိူင်းယဵၼ်ၸႄႈတွၼ်ႈလႃႈသဵဝ်ႈၸိုင်ႈတႆးပွတ်းႁွင်ႇ။

    ဝၼ်းၼၼ်ႉသိုၵ်းမၢၼ်ႈတပ်ႉ 69 မွၵ်ႈ 50 လုၵ်ႉတၢင်းသဵၼ်ႈဝီ မႃးၸူးမိူင်းပႃးတီႈဢၼ်မီးတပ်ႉၶဝ်ယူႇဝႆႉသေယူႇဝႆႉတီႈ ဝၢၼ်ႈ ၸၢၵ်ႈ။

    ဝၼ်းၼၼ်ႉၶၢဝ်းယၢမ်းမွၵ်ႈ 3:30 ဝၢႆးဝၼ်းၸၢႆးဢၢႆႈသႆဢႃယု 40 လုၵ်ႉၼႂ်းထိူၼ်ႇသေပွၵ်ႈႁိူၼ်းသမ်ႉၺႃးသႂ်ႇသိုၵ်းမၢၼ်ႈ ဢၼ်ၸုၵ်းသေပႂ်ႉယၢမ်းၼႂ်းဝၢၼ်ႈမၼ်း။သိုၵ်းမၢၼ်ႈၶဝ်ၵေႃႈယိုဝ်းသႂ်ႇမၼ်းသေမၢၵ်ႇၵွင်ႈႁူၺ်ႇၼိုင်ႈတိူဝ်ႉသႂ်ႇၶႃလူင်မၼ်း။ပီႈၼွင်ႉမၼ်းလႆႈဢဝ်မၼ်းၸၢႆးၵႂႃႇႁူင်းယႃလႃႈသဵဝ်ႈပိူဝ်ႈတႃႇယူတ်းယႃတူဝ်ယူႇယဝ်ႉ။

    ၵပ်းသိုပ်ႇတွင်ႈထၢမ်

    ၸၢႆးႁေႃသႅင်                                 +66: (0) 62- 941-9600              (ဢင်းၵိတ်း၊ တႆး)

    ၼၢင်းလွၼ်ႉလႅင်း                          +66: (0) 63-838-9029              (ဢင်းၵိတ်း၊ မၢၼ်ႈ)

PDF files: Shan Burmese English

 

ၶေႃႈပိုၼ်ၽၢဝ်ႇ

သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇၼႂ်းပိုၼ်ႉတီႈၸုမ်းလုၵ်ႉၽိုၼ်ႉၵုမ်းၵမ် ႁဵတ်းႁႂ်ႈၵူၼ်းမိူင်းလုတၢႆ၊ မၢတ်ႇၸဵပ်း လုသုမ်းၼမ် ၼႂ်းၸိုင်ႈတႆးပွတ်းႁွင်ႇ

သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇႁၢဝ်ႈႁႅင်း တီႈသီႇပေႃႉ ၵူၼ်းမိူင်းလုတၢႆ 19၊ မၢတ်ႇၸဵပ်း 19၊ ႁိူၼ်းယေး လုၵွႆ 110 ပၢႆ ပႃးၸဵမ်ဢၼ်မီးႁိမ်း တေႃႈၼမ်ႉၵႅတ်ႊ/ၼမ်ႉမၼ်းၶႄႇ

သိုၵ်းမၢၼ်ႈဢဝ်ၶိူင်ႈမိၼ်တိုၵ်းတွပ်ႇတႅၼ်းသိုၵ်းၵဝ်ႈၵၢင်ႉၶိုၼ်းတီႈသႅၼ်ဝီ တိူဝ်ႉၺႃးၵူၼ်းမိူင်းလုတၢႆ 13၊ မၢတ်ႇၸဵပ်း 24၊ တိုၵ်း/ႁိူၼ်းယေးလုၵွႆ 40 ပၢႆ ၼႂ်းလိူၼ်ၵျူႊလၢႆႊ 2024

သိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇ၊ ဢဝ်ၵွင်ႈလူင်ယိုဝ်း၊ ၵူၼ်းမိူင်းတၢႆ 46 ၵေႃႉ၊ မၢတ်ႇၸဵပ်း 35၊ တိုၵ်း/ႁိူၼ်းယေးလုၵွႆ 150 ပၢႆ ၸွမ်းသၢႆတၢင်းတေႃႈၵႅတ်ႊၶႄႇ ၼႂ်းၸႄႈဝဵင်းၼွင်ၶဵဝ်၊ၵျွၵ်းမႄးလႄႈသီႇပေႃႉ

လွင်ႈ SHRF

ၵဝ်ႉငဝ်ႈသုၼ်ႇလႆႈၵူၼ်း(ၸိုင်ႈတႆး) ပဵၼ်မုၵ်ႉၸုမ်း ဢၼ်ဢမ်ႇၸႂ်ႈလူင်ပွင်ၸိုင်ႈ၊ လုင်းၶုၼ်ၵျႃႇ ဢူးဢွၼ်ႁူဝ် တႄႇတင်ႈၶွတ်ႇၽွတ်ႈ မႃးၸဵမ်မိူဝ်ႈ ဝၼ်းထိ 06/12/1990 ၼႂ်းၼႃႈလိၼ် ပူတ်းပွႆႇမိူင်းတႆးတီႈၼိုင်ႈ။ ဢိင်ပိုင်ႈၼိူဝ် ဢဵၼ်ႁႅင်းၵမ်ႉထႅမ် ၵူႈတီႈၵူႈၽၢႆႇ၊ ၵူႈပၢႆး၊ ၵူႈတူၼ် ၵူႈၸဝ်ႈ၊ ၵူႈမူႇၵူႈၸုမ်း မိူၼ်ၼင်ႇ ၸဝ်ႈသင်ႇၶႃႇရႁၢၼ်းၶဝ်း၊ ၽူႈႁၵ်ႉၸၢတ်ႈတူင်ႉတိုၼ်ႇလူၺ်ႈ ၵၢၼ်မိူင်း ၵၢၼ်သိုၵ်းၶဝ်၊ ၵူၼ်းမိူင်းတႆး ၶိူဝ်းၸၢဝ်းတႆး ယၢၼ်မိူင်းၶဝ် ဢိၵ်ႇၵူၼ်းမိူင်းၼႂ်းမိူင်းဢိၵ်ႇ ၼွၵ်ႈမိူင်းပတ်ႉပိုၼ်ႉ တင်းၼမ်တင်းလၢႆလႄႈ ၸင်ႇသိုပ်ႇယၢင်ႈယိုၼ်းပွင်ပဵၼ်မႃးလႆႈ။

Subscribe for latest update from SHRF

ၵပ်းသိုပ်ႇ

shanhumanrightsfoundation@gmail.com