LIB 518

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 30/5/2023 သိုၵ်းမၢၼ်ႈဢဝ်ၶိူင်ႈမိၼ်တိုၵ်း၊ ယိုဝ်းၵွင်ႈလူင် တိူဝ်ႉၺႃးၼၢင်းယိင်းသွင်ၵေႃႉလႄႈလုၵ်ႈဢွၼ်ႇၽိုၵ်းပႆတၢႆ၊ ၵူၼ်းမိူင်းမၢတ်ႇၸဵပ်း သိပ်းပႅတ်ႇၵေႃႉ ၼႂ်းၸႄႈဝဵင်းၽၢႆၶုၼ်လႄႈပၢင်လွင်း သိုၵ်းမၢၼ်ႈၸႂ်ႉၶိူင်ႈမိၼ်တိုၵ်းတၢင်းၵၢင်ႁၢဝ်လႄႈယိုဝ်းၵွင်ႈလူင် ၽွင်းပဵၼ်ပၢင်တိုၵ်းၸွမ်း PDF  ၼႂ်းပၢတ်ႈ လိုၼ်း သုတ်းလိူၼ်ဢေႊပရိူဝ်ႊလႄႈပၢတ်ႈလိုၼ်းသုတ်းလိူၼ်မေႇ ၼႂ်းၸႄႈဝဵင်းၽၢႆၶုၼ်လႄႈ ပၢင်လွင်း ၸိုင်ႈတႆးပွတ်းၸၢၼ်း ႁဵတ်းႁႂ်ႈၼၢင်းယိင်းသွင်ၵေႃႉ ပႃးတင်းၼၢင်းပႃးတွင်ႉၸမ်ၵိူတ်ႇလုၵ်ႈ ၵေႃႉၼိုင်ႈလႄႈ ဢွၼ်ႇၸၢႆးၵေႃႉၼိုင်ႈဢႃယု သၢမ်ၶူပ်ႇ ဢၼ်တိုၵ်ႉၽိုၵ်းပႆတၢႆ၊ ၵူၼ်းမိူင်းမၢတ်ႇၸဵပ်းသိပ်းပႅတ်ႇၵေႃႉလႄႈ ႁိူၼ်းၵူၼ်းလုၵွႆၼပ်ႉသိပ်း။ မိူဝ်ႈဝၼ်းထိ...