Villagers in three townships gather to oppose dam building on Shan State rivers

ၶေႃႈပိုၼ်ၽၢဝ်ႇ ၵေႃၵပ်းသၢၼ်တူင်ႉၼိုင်တႃႇမႄႈၼမ်ႉမိူင်းတႆး ဝၼ်းထိ 15/3/2024 ၵူၼ်းမိူင်းသၢမ်ၸႄႈဝဵင်းၶွၼ်ႈတုမ်ၵၼ်သၢၼ်ၶတ်းၵၢၼ်သၢင်ႈၽၢႆၼိူဝ်မႄႈၼမ်ႉၼႂ်းၸိုင်ႈတႆး ၵူၼ်းမိူင်းၼႂ်းပိုၼ်ႉတီႈလႄႈၵူၼ်းၼုမ်ႇၼႂ်းၸႄႈဝဵင်းသီႇပေႃႉ၊ ၵျွၵ်းမႄးၸိုင်ႈတႆးပွတ်းႁွင်ႇ တင်းၸႄႈဝဵင်းၵုၼ်ႁဵင် ၸိုင်ႈတႆးပွတ်းၸၢၼ်း ၶွၼ်ႈတုမ်ၵၼ်တီႈၾင်ႇၼမ်ႉ ပိူဝ်ႈတႃႇႁူမ်ႈၸတ်းပၢင်ယွၼ်းသူးပၼ်မႄႈၼမ်ႉသေ တုၵ်းယွၼ်းႁႂ်ႈၵိုတ်းၵၢၼ်သၢင်ႈၽၢႆ ၼႂ်းတိုဝ်ႉတၢင်းဝၼ်း ႁူမ်ႈၵၼ်တူင်ႉၼိုင်တႃႇမႄႈၼမ်ႉလုမ်ႈၾႃႉ။ မိူဝ်ႈဝၼ်းထိ 14/3/2024  ၼၼ်ႉၵူၼ်းဝၢၼ်ႈမွၵ်ႈ 200 ၼႂ်းထုင်ႉဢိူင်ႇၼမ်ႉမ ၸႄႈဝဵင်းသီႇပေႃႉ ၶွၼ်ႈတုမ် ၵၼ်တီႈၾင်ႇၼမ်ႉမ ယိပ်းတင်းပၢႆႉဢၼ်တႅမ်ႈဝႆႉဝႃႈ “ယွၼ်းသူးႁႂ်ႈမႄႈၼမ်ႉမိူင်းတႆးႁဝ်းလႆလွတ်ႈလွတ်ႈ လႅဝ်းလႅဝ်းၵိုၵ်းၵမ်ႇၾႃႇသေၵမ်း”၊ ႁႂ်ႈမႄႈၼမ်ႉမိူင်းတႆးလႆလွတ်ႈလႅဝ်းသေၵမ်း”၊ ႁႂ်ႈၵူၼ်းမိူင်းတႆးႁဝ်း လွတ်ႈလႅဝ်းသေၵမ်း”ၸိူဝ်းၼႆႉ...