သိုၵ်းဢူၺ်းလီပွတ်းႁွင်ႇ

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 23/1/2024 လွင်ႈသိုၵ်းမၢၼ်ႈသိုပ်ႇတိုၵ်းတေႃးၸွမ်းသဵၼ်ႈသၢႆလွတ်ႇၼမ်ႉမၼ်းၵျႅတ်ႊၶႄႇ ၼႂ်းမိူင်းတႆးပွတ်းႁွင်ႇ ႁဵတ်းႁႂ်ႈ ၵူၼ်းမိူင်းတၢႆ သိပ်းၵေႃႉ မၢတ်ႇၸဵပ်း သိပ်းသီႇ ၼႂ်းၶၢဝ်းတၢင်းဝၼ်းထိ 19/12/2023 ထိုင်ဝၼ်းထိ 11/1/2024 ၼႆႉ မီးၵူၼ်းမိူင်းတၢႆ 10 ၵေႃႉမၢတ်ႇၸဵပ်း 14 ယွၼ်ႉသိုၵ်းမၢၼ်ႈပိုတ်ႇတိုၵ်းၼႂ်းၸႄႈဝဵင်းၼမ်ႉတူႈ၊ သီႇပေႃႉ၊ ၵျွၵ်းမႄး လႄႈၼွင်ၶဵဝ် မိူင်းတႆးပွတ်းႁွင်ႇ တီႈဢၼ်သိုၵ်းမၢၼ်ႈဢဝ်ၶိူင်ႈမိၼ်တိုၵ်းလႄႈမၢၵ်ႇလူင်ယိုဝ်းသႂ်ႇ၊ မၢၵ်ႇၸိူဝ်းၼၼ်ႉတူၵ်းႁိမ်းႁွမ်းသၢႆလွတ်ႇၼမ်ႉမၼ်းလႄႈၵျႅတ်ႊၶႄႇ။ ၵူၼ်းၸိူဝ်းလႆႈလုတၢႆလႄႈမၢတ်ႇၸဵပ်းၵမ်ႈၼမ်...