တၢင်ႉယၢၼ်း

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 19/4/2022 သိုၵ်းမၢၼ်ႈတဵၵ်းၸႂ်ႉၵူၼ်းဝၢၼ်ႈသၢင်ႈတပ်ႉမႂ်ႇပၼ်ၶဝ် ႁိမ်းဢွင်ႈထၢၼ်ႇႁိၼ်ဢၼ်ႁၢင်ႈႁႅၼ်းတေၶုတ်း ၼႂ်းၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ၽွင်းႁၢင်လိူၼ်မၢတ်ႉၶျ် 2022 ပူၼ်ႉမႃးၼႆႉ ၵူၼ်းဝၢၼ်ႈၼႂ်းဢိူင်ႇၼွင်ႁီး ၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း 100 ပၢႆၺႃးသိုၵ်းမၢၼ်ႈတဵၵ်းၸႂ်ႉႁႅင်းလၢႆၵႂႃႇႁဵတ်းပၼ်တပ်ႉမႂ်ႇၶဝ်ဢၼ်မီး ႁိမ်းဢွင်ႈတီႈဢၼ် ၵိင်ႇၽႄၶွမ်ႊပၼီႊ ငူၺ်ႇယီႇပလႄးႁၢင်ႈႁႅၼ်းတေၶုတ်းထၢၼ်ႇႁိၼ် ဢွင်ႈယႂ်ႇ ၵႆၵၼ်မွၵ်ႈ 1 လၵ်း။ မိူဝ်ႈဝၼ်းထိ 29-30/3/2022 ၼၼ်ႉ ၵူၼ်းဝၢၼ်ႈၼမ်ႉမူဝ် ဢၼ်ယူႇတၢင်းၸဵင်ႇႁွင်ႇ ဝဵင်းၼမ်ႉၸၢင်...