ဝဵင်းလဝ်ႉၵႆႇ

ၶမ်မိူင်းငရၢႆး ၸုမ်းၵူၼ်းႁဵတ်းၽိတ်းမၢႆမီႈၶႄႇၵႃႉၶၢႆၵူၼ်း၊တဵၵ်းတဵင်ပဵၼ်ၶီႈၶႃႈလႄႈ ၶႃၸႂ်ၵူၼ်းၼုမ်ႇ ၼႂ်းၸိုင်ႈတႆးပွတ်းႁွင်ႇ တင်ႈတႄႇဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း Download report: English Chinese Thai Burmese Shan ႁူဝ်ႁုပ်ႈ ၽိုၼ်ႁၢႆးငၢၼ်းၼႆႉလႆႈဢိင်ဢဝ်ၼိူဝ်လွင်ႈပိူင်ပဵၼ်တူဝ်ထူပ်း ၵူၼ်းၼုမ်ႇၼၢင်းယိင်းသၢမ်ၵေႃႉ လႄႈ ၵူၼ်းၼုမ်ႇၸၢႆးသွင်ၵေႃႉ ၸိူဝ်းလႆႈၶၢမ်ႇတၢမ်ႇ ၼမ်ႉမိုဝ်းၸုမ်းၵူၼ်းၶႄႇဢၼ်ႁဵတ်းၽိတ်းမၢႆမီႈ ႁဵတ်းၵၢၼ်လွင်ႈလွၵ်ႇလႅၼ်တၢင်းဢွၼ်ႊလၢႆႊ၊ၵၢၼ်တေႃႇလွင်းလႄႈၵၢၼ်ထႆႇႁၢင်ႈပွႆႇပူၺ်(ဢမ်ႇၼုင်ႈၶူဝ်းလဵင်းထႆႇ)ၼႂ်းပိုၼ်ႉတီႈၽွင်းငမ်း ၵဝ်ႈၵၢင်ႉလႄႈပိုၼ်ႉတီႈၽွင်းငမ်းဝ ၼႂ်းၸိုင်ႈတႆးပွတ်းႁွင်ႇ။ တွၼ်ႈတူဝ်ထူပ်းၵူၼ်းၼုမ်ႇၶဝ်ၼၼ်ႉ လႆႈၵိူတ်ႇပဵၼ်မႃးဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း ၼႂ်းလိူၼ်ၾႄႊၾေႃႊဝႃႊရီႊ 2021 သေ ၼႂ်းၵၢၼ်တွင်ႈထၢမ်သီႇလွင်ႈၼၼ်ႉလႆႈႁူပ်ႉထူပ်းႁၼ်ဝႃႈ ယွၼ်ႉမီးလွင်ႈတုမ်ႉယွၼ်ႈတၢင်းပၢႆးပၺ်ၺႃႇလႄႈၵၢၼ်ႁႃလဵင်ႉတွင်ႉ...