ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး

ၽိုၼ်တၢမ်းငဝ်း လၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 26/7/2023 သိုၵ်းမၢၼ်ႈဢဝ်ၵွင်ႈလူင်ယိုဝ်းၽွင်းပဵၼ်ပၢင်တိုၵ်းၸွမ်းသိုၵ်းၶၢင် KIA တီႈ ၵူတ်ႉၶၢႆ ၸိုင်ႈတႆးပွတ်းႁွင်ႇ ၵူၼ်းမိူင်းတၢႆသွင်ၵေႃႉ ၽွင်းသိုၵ်းမၢၼ်ႈပဵၼ်ပၢင်တိုၵ်းၵၼ်တင်းၸွမ်းသိုၵ်းၶၢင် KIA ၼႂ်းၸႄႈဝဵင်းၵူတ်ႉၶၢႆၸိုင်ႈတႆးပွတ်းႁွင်ႇ တင်ႈတႄႇဝၼ်းထိ 8/7/2023 ထိုင်ဝၼ်းထိ 18/7/2023 ၼၼ်ႉ ယွၼ်ႉသိုၵ်းမၢၼ်ႈဢဝ်ၵွင်ႈလူင်ယိုဝ်းၵႂႃႇၵူႈႁူး ၵူႈ တၢင်းလႄႈ ႁဵတ်းႁႂ်ႈၵူၼ်းမိူင်းတၢႆသွင်ၵေႃႉ မၢတ်ႇၸဵပ်းထႅင်ႈႁူၵ်းၵေႃႉ။ ပၢင်တိုၵ်းၵိူတ်ႇၶိုၼ်ႈၼႂ်းဝၼ်းထိ 8/7/2023 ဝၢႆးဝၼ်း ၽွင်းသိုၵ်းၶၢင်...