ၵႄႇသီႇ

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 13/9/2022 ၵူၼ်းလဵင်ႉဝူဝ်းၵေႃႉၼိုင်ႈၺႃးသိုၵ်းမၢၼ်ႈသၢမ်ၵေႃႉပေႃႉထုပ်ႉ၊ဢဝ်မိတ်ႈပၢတ်ႇၶေႃး ၼႂ်းၵႄႇသီႇ ၸိုင်ႈတႆးပွတ်းၸၢၼ်း ၵူၼ်းဝၢၼ်ႈၵေႃႉၼိုင်ႈဢၼ်တိုၵ်ႉလဵင်ႉဝူဝ်း ၺႃးသိုၵ်းမၢၼ်ႈသၢမ်ၵေႃႉ ႁူမ်ႈၵၼ်ပေႃႉထုပ်ႉယဝ်ႉ ဢဝ်မိတ်ႈပၢတ်ႇၶေႃးမၼ်းၸၢႆးႁိမ်းတပ်ႉသိုၵ်းမၢၼ်ႈ ၼႂ်းၵႄႇသီႇ/ၵေးသီး ၸိုင်ႈတႆးပွတ်းၸၢၼ်း။ မိူဝ်ႈဝၼ်းထိ 31/8/2022 ၶၢဝ်းယၢမ်းမွၵ်ႈဝၢႆးဝၼ်း 1 မူင်းၼၼ်ႉ လုင်းသူၺ်ႇထုၼ်း ၵူၼ်းဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵႄႇသီႇ ဢဝ်ဝူဝ်းၵႂႃႇလဵင်ႉၼွၵ်ႈဝၢၼ်ႈ။ ၽွင်းမၼ်းၸၢႆးၽႅဝ်ၵႂႃႇတီႈ လႅၼ်ၶႅၼ်တပ်ႉ ၶလယ 131 မၢၼ်ႈလႄႈဝၢၼ်ႈၼွင်ယူမ်းၼၼ်ႉ...