SHRF

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 9/5/2023 သိုၵ်းမၢၼ်ႈၸႂ်ႉၵွင်ႈလူင်လႄႈၶိူင်ႈမိၼ်တိုၵ်း ၺႃးၵူၼ်းဝၢၼ်ႈသီႇၵေႃႉတၢႆ၊ ႁိူၼ်းယေးလုၵွႆၼပ်ႉႁူဝ်သိပ်း ၼႂ်း ၸႄႈ ဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ တင်ႈတႄႇမီးပၢင်တိုၵ်း ၸုမ်းသိုၵ်းမၢၼ်ႈလႄႈၸုမ်းၵႅတ်ႇၶႄၵူၼ်းမိူင်းတိူင်းဝဵင်းလိူဝ်ႇ (MDY-PDF) ၵိူတ်ႇ ၶိုၼ်ႈ မိူဝ်ႈၼႂ်းလိူၼ်ဢေႊပရိူဝ်ႊ 2023 ၸွမ်းသဵၼ်ႈတၢင်းလူင်ပၢင်ႇဢူႈလူင်-မိူင်းၵုတ်ႈ ၼႂ်းၸႄႈဝဵင်းၼွင်ၶဵဝ် ၼၼ်ႉ ၸုမ်းသိုၵ်းမၢၼ်ႈၸႂ်ႉၶိူင်ႈမိၼ်တိုၵ်းတၢင်းၵၢင်ႁၢဝ်သေ ယိုဝ်းလူင်းၸွမ်းပိုၼ်ႉတီႈဝၢၼ်ႈၵူၼ်းမိူင်း ယူႇ သဝ်း လႄႈ...

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 23/3/2023 သိုၵ်းမၢၼ်ႈၶႃႈႁႅမ်ၵူၼ်းမိူင်းတၢႆတီႈဢႄႇသုတ်း 33 ၵေႃႉၽွင်းပိုတ်ႇၼႃႈသိုၵ်းၼႂ်းၸႄႈဝဵင်းပၢင်လွင်း လႄႈ ၽၢႆၶုၼ် ၸိုင်ႈတႆးပွတ်းၸၢၼ်း သိုၵ်းမၢၼ်ႈဢၼ်ပိုတ်ႇၼႃႈသိုၵ်းတေႃႇၸုမ်းၵႅတ်ႇၶႄၵူၼ်းမိူင်း PDF ၼႂ်းၸႄႈဝဵင်းပၢင်လွင်းလႄႈၽၢႆၶုၼ် ၸိုင်ႈတႆးပွတ်း ၸၢၼ်း တင်ႈတႄႇတူၼ်ႈပီ 2023 မႃးၼၼ်ႉ ၶႃႈႁႅမ်ၵူၼ်းမိူင်းတီႈဢႄႇသုတ်းမၼ်း 33 ၵေႃႉ ပႃးတင်း ၵၢၼ်ၶႃႈႁႅမ် ၵူၼ်းမိူင်း 21 ပဵၼ်မူႇပဵၼ်ၵွင် ၼႂ်းဝၢၼ်ႈၼမ်ႉၼဵင်ႈမိူဝ်ႈဝၼ်းထိ 11/3/2023...

ၶေႃႈပိုၼ်ၶၢဝ်ႇ ၵေႃၵပ်းသၢၼ်တူင်ႉၼိုင်တႃႇမႄႈၼမ်ႉမိူင်းတႆး ဝၼ်းထိ 14/3/2023 ၵူၼ်းဝၢၼ်ႈသီႇဢိူင်ႇ ၶွၼ်ႈတုမ်ၵၼ်တီႈၾင်ႇၼမ်ႉမ ၸႄႈဝဵင်းသီႇပေႃႉ ယွၼ်းသူးပၼ်ႁႂ်ႈမႄႈ ၼမ်ႉလႆလွတ်ႈလႅဝ်း မိူဝ်ႈၼႆႉၵူၼ်းဝၢၼ်ႈၼႂ်းပိုၼ်ႉတီႈသီႇဢိူင်ႇ ၸႄႈဝဵင်းသီႇပေႃႉ ၶွၼ်ႈတုမ်ၵၼ်တီႈၾင်ႇၼမ်ႉမ ပိူဝ်ႈတႃႇႁူမ်ႈယွၼ်းသူးပၼ်မႄႈၼမ်ႉ ၼႂ်းတိုဝ်ႉတၢင်းဝၼ်းတူင်ႉၼိုင်တေႃႇမႄႈၼမ်ႉလုမ်ႈၾႃႉ။ ၵူၼ်းဝၢၼ်ႈမွၵ်ႈ 60 ၵေႃႉလုၵ်ႉတီႈသီႇဢိူင်ႇ- ဢိူင်ႇၼႃးၼိဝ်ႉ၊ဢိူင်ႇၼမ်ႉမ၊ဢိူင်ႇမွၵ်ႇတွင်းလႄႈ ဢိူင်ႇမိူင်းၸိတ်ႇ ၶွၼ်ႈတုမ်ၵၼ်တီႈၾင်ႇမႄႈၼမ်ႉမ ယိပ်းတင်းပၢႆႉဢၼ်တႅမ်ႈတင်းၽၢႆႇတႆးၽၢႆႇမၢၼ်ႈဝႃႈ “ မႄႈၼမ်ႉၼႆႉ ဢမ်ႇၸႂ်ႈတႃႇၵႃႉၶၢႆပုၼ်ႈတႃႇပၢႆးမၢၵ်ႈမီးသုၼ်ႇတူဝ်ၸဝ်ႈၵဝ်ႇ”၊“ယွၼ်းႁႂ်ႈမႄႈၼမ်ႉၼႂ်းမိူင်း ၸိုင်ႈတႆးႁဝ်းလႆႈလွတ်ႈလွတ်ႈလႅဝ်းလႅဝ်းၵိုၵ်းၵမ်ႇၽႃႇၵႂႃႇသေၵမ်း” ၸိူဝ်းၼႆႉ။ တီႈပၢင်ၶွၼ်ႈတုမ်ၵၼ်ၼၼ်ႉ ၽူႈႁူမ်ႈၸတ်းပၢင်ယွၼ်းသူးၶဝ် ၶႆႈၼႄပိုၼ်းဝၼ်းတူင်ႉၼိုင်တႃႇမႄႈၼမ်ႉ...

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 27/2/2023 ၵူၼ်းဝၢၼ်ႈႁူၵ်းၵေႃႉၺႃးသိုၵ်းမၢၼ်ႈၶႃၸႂ်၊ ဢဝ်တၢႆသွင်ၵေႃႉ ၽွင်းသိုၵ်းမၢၼ်ႈပိုတ်ႇၼႃႈသိုၵ်း ၼႂ်းၸႄႈ ဝဵင်း ၼွင်ၶဵဝ် ၸိုင်ႈတႆးပွတ်းႁွင်ႇ ၵူၼ်းဝၢၼ်ႈႁူၵ်းၵေႃႉၺႃးၶႃၸႂ်၊ထႅင်ႈၵေႃႉၼိုင်ႈၺႃးယိုဝ်းတၢႆလႄႈထႅင်ႈၵေႃႉၼိုင်ႈသမ်ႉၺႃးသိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇၺႃးသႂ်ႇတၢႆထင်တီႈ ၽွင်းသိုၵ်းမၢၼ်ႈပိုတ်ႇသိုၵ်းတိုၵ်းတေႃးၸုမ်းၵႅတ်ႇ ၶႄၵူၼ်းမိူင်း PDF ႁိမ်းဝၢၼ်ႈလူင်ၶၢၼ် ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ ဢၼ်မီးပၢင်တိုၵ်းၵိူတ်ႇၶိုၼ်ႈမိူဝ်ႈဝၼ်းထိ 10/2/2023။ မိူဝ်ႈဝၼ်းထိ 10/2/2023 ယၢမ်းၵၢင်ၼႂ်ၼၼ်ႉ သိုၵ်းမၢၼ်ႈၶမယ 502 လႄႈၶမယ 505 ဢၼ်ယူႇပႃႈတႂ်ႈငဝ်ႈငုၼ်းၵုမ်းၵမ်ၽႅၼ်ၵၢၼ်ယၼ်ႇသိုၵ်း...

ၶေႃႈပိုၼ်ၶၢဝ်ႇ ၸုမ်းၽူႈၵႅတ်ႇၶႄမႄႈၼမ်ႉတူႈ ဢၢင်ႇၵဵပ်းၼမ်ႉၽၢႆယေးယႂႃႇတွၼ်ႈၼိူဝ်တေပဵၼ်ၽေးထူမ်ႈပႅတ်ႈဢိူင်ႇဝၢၼ်ႈ 11 ဢိူင်ႇ ၼႂ်းၸႄႈဝဵင်း သီႇပေႃႉ ၸိုင်ႈတႆးပွတ်းႁွင်ႇ ဢၢင်ႇၵဵပ်းၼမ်ႉၽၢႆယေးယႂႃႇတွၼ်ႈၼိူဝ် ဢၼ်ၵေႃႇသၢင်ႈႁဵတ်းတီႈဝၢၼ်ႈတိၼ်လွႆ/တွင်ႇၶျေႇ ၼႂ်းဢိူင်ႇလွႆၸွင်ႈ ၸႄႈဝဵင်း ၵျွၵ်းမႄး ၸိုင်ႈတႆးပွတ်းႁွင်ႇၼိူဝ်မႄႈၼမ်ႉတူႈၼၼ်ႉ တေႁဵတ်းႁႂ်ႈၼမ်ႉယိုင်ႈလုပ်ႇထူမ်ႈ ဢိူင်ႇဝၢၼ်ႈၵူၼ်း 11 ဢိူင်ႇ ၼႂ်းၸႄႈ ဝဵင်းသီႇပေႃႉ ၸိုင်ႈတႆးပွတ်းႁွင်ႇ။ ၼႂ်းၽိုၼ်လိၵ်ႈ ၸုမ်းလူင်ပွင်ၸိုင်ႈသိုၵ်းမၢၼ်ႈယိုတ်းမိူင်း ဝၼ်းထိ 9/12/2022 ၸုမ်းၽူႈၵွၼ်းၸႄႈဝဵင်း သီႇပေႃႉၶဝ်ဢွၵ်ႇၼၼ်ႉ...

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 18/1/2023 သိုၵ်းမၢၼ်ႈလႄႈၸုမ်း PNO ယိုဝ်းၵူၼ်းႁေႃးၵႃးၵေႃႉၼိုင်ႈတၢႆ၊ၸဝ်ႈၼႃးၵေႃႉၼိုင်ႈမၢတ်ႇၸဵပ်း ႁိမ်းမေႃႇထၢၼ်ႇႁိၼ်သီႇၵိပ်ႇ ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း မိူဝ်ႈဝၼ်းထိ 7/1/2023 ၼၼ်ႉသိုၵ်းမၢၼ်ႈလႄႈၸုမ်းပျီႇတုၸိတ်ႉပဢူဝ်း PNO ယိုဝ်းၵူၼ်းမိူင်း ၵူၼ်းႁေႃႈၵႃးၵေႃႉၼိုင်ႈတၢႆ၊ ၸဝ်ႈၼႃးၵေႃႉၼိုင်ႈၺႃးမၢတ်ႇၸဵပ်း ႁိမ်းမေႃႇထၢၼ်ႇႁိၼ်သီႇၵိပ်ႇ ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း။ မိူဝ်ႈဝၼ်းထိ 3/1/2023 ၼၼ်ႉသိုၵ်းမၢၼ်ႈလႄႈၸုမ်းၵႅတ်ႇၶႄၵူၼ်းမိူင်း PDF ပဵၼ်ပၢင်တိုၵ်းၵၼ်ႁိမ်းဢိူင်ႇလူင်ၶၢၼ် ဢၼ်မီးတၢင်းတူၵ်း ၼွင်ၸၢမ်ၵႃး ၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း။ ဝၼ်းထိ...

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 2/12/2022 ၵူၼ်းဝၢၼ်ႈ 700 ပၢႆလႆႈပၢႆၽေးယွၼ်ႉသိုၵ်းမၢၼ်ႈဢဝ်မၢၵ်ႇလူင်ယိုဝ်းလူင်ၵႂႃႇၵူႈႁူးၵူႈတၢင်း ၽွင်းတိုၵ်းယိုဝ်း SSPP/SSA ၼႂ်းၸႄႈဝဵင်းသီႇပေႃႉ ၵူၼ်းဝၢၼ်ႈ 700 ပၢႆလႆႈၼီပၢႆႈၽေးသိုၵ်းၽွင်းသိုၵ်းမၢၼ်ႈဢဝ်မၢၵ်ႇလူင်ယိုဝ်းလူင်ၵႂႃႇၵူႈႁူးၵူႈတၢင်း ၽွင်းတိုၵ်းယိုဝ်းပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ မိူဝ်ႈဝၼ်းထိ 25/11/2022။ သိုၵ်းမၢၼ်ႈမွၵ်ႈ 80 ပိုတ်ႇပၢင်တိုၵ်းယၢမ်း 6 မူင်းၵၢင်ၼႂ် တီႈဝၢၼ်ႈၵုင်းသႃႇ ဢၼ်ယူႇၼိူဝ်သဵၼ်ႈတၢင်းလူင် ဝဵင်းတႃႈလိူဝ်ႇ-မူႇၸႄႈ ယူႇတၢင်းဢွၵ်ႇဝဵင်းသီႇပေႃႉ ႁၢင်ႇၵႆဝဵင်းမွၵ်ႈ...

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 12/10/2022 သိုၵ်းမၢၼ်ႈဢဝ်မၢၵ်ႇလူင်ယိုဝ်း၊ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်းတၢႆပႅတ်ႇၵေႃႉ၊ ပႃးတင်းလုၵ်ႈဢွၼ်ႇ သၢမ်ၵေႃႉလႄႈ မၢတ်ႇၸဵပ်းထႅင်ႈ သိပ်းသီႇၵေႃႉ ၼႂ်းမိူင်းပၢႆးၸိုင်ႈတႆးပွတ်းၸၢၼ်း မိူဝ်ႈၼႂ်းလိူၼ်သႅပ်ႊထႅမ်ႊပိူဝ်ႊ 2022 ၼၼ်ႉ သိုၵ်းမၢၼ်ႈပိုတ်ႇၼႃႈသိုၵ်း ဢဝ်မၢၵ်ႇလူင်ယိုဝ်းၼႂ်းၸႄႈဝဵင်းမိူင်းပၢႆး ၸိုင်ႈတႆးပွတ်းၸၢၼ်းသေ ႁဵတ်းႁႂ်ႈၵူၼ်းဝၢၼ်ႈတၢႆပႅတ်ႇၵေႃႉ၊ပႃးတင်းလုၵ်ႈဢွၼ်ႇ သၢမ်ၵေႃႉလႄႈ မၢတ်ႇၸဵပ်းထႅင်ႈတီႈဢေႇသုတ်းမၼ်းသိပ်းသီႇၵေႃႉ။ မိူဝ်ႈဝၼ်းထိ 8/9/2022 ၼၼ်ႉသိုၵ်းမၢၼ်ႈတပ်ႉၸုမ်းလူင် 66 (တပ်ႉမ) ဢဵၼ်ႁႅင်းမွၵ်ႈ 100 လုၵ်ႉ တီႈဝၢၼ်ႈဝႃရီးပလၢႆႊ...

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 13/9/2022 ၵူၼ်းလဵင်ႉဝူဝ်းၵေႃႉၼိုင်ႈၺႃးသိုၵ်းမၢၼ်ႈသၢမ်ၵေႃႉပေႃႉထုပ်ႉ၊ဢဝ်မိတ်ႈပၢတ်ႇၶေႃး ၼႂ်းၵႄႇသီႇ ၸိုင်ႈတႆးပွတ်းၸၢၼ်း ၵူၼ်းဝၢၼ်ႈၵေႃႉၼိုင်ႈဢၼ်တိုၵ်ႉလဵင်ႉဝူဝ်း ၺႃးသိုၵ်းမၢၼ်ႈသၢမ်ၵေႃႉ ႁူမ်ႈၵၼ်ပေႃႉထုပ်ႉယဝ်ႉ ဢဝ်မိတ်ႈပၢတ်ႇၶေႃးမၼ်းၸၢႆးႁိမ်းတပ်ႉသိုၵ်းမၢၼ်ႈ ၼႂ်းၵႄႇသီႇ/ၵေးသီး ၸိုင်ႈတႆးပွတ်းၸၢၼ်း။ မိူဝ်ႈဝၼ်းထိ 31/8/2022 ၶၢဝ်းယၢမ်းမွၵ်ႈဝၢႆးဝၼ်း 1 မူင်းၼၼ်ႉ လုင်းသူၺ်ႇထုၼ်း ၵူၼ်းဝၢၼ်ႈၼွင်ယူမ်း ဢိူင်ႇမိူင်းၼိမ် ၸႄႈဝဵင်းၵႄႇသီႇ ဢဝ်ဝူဝ်းၵႂႃႇလဵင်ႉၼွၵ်ႈဝၢၼ်ႈ။ ၽွင်းမၼ်းၸၢႆးၽႅဝ်ၵႂႃႇတီႈ လႅၼ်ၶႅၼ်တပ်ႉ ၶလယ 131 မၢၼ်ႈလႄႈဝၢၼ်ႈၼွင်ယူမ်းၼၼ်ႉ...

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းလႄႈ ၸုမ်းၽွမ်ႉႁူမ်ႈလုၵ်ႈႁဵၼ်းတႆး ဝၼ်းထိ 24/8/2022 ၵူၼ်းဝၢၼ်ႈၺႃးၶီႇၵူမ်ႇဢုင်ထူမ်ဝၢၼ်ႈယွၼ်ႉၵၢၼ်သိုပ်ႇၶုတ်းၶမ်းၼႂ်းထုင်ႉတၢင်းဢွၵ်ႇဝဵင်းတႃႈၶီႈလဵၵ်း မိူဝ်ႈဝၼ်းထိ 19/7/2022 ၼၼ်ႉယွၼ်ႉၾူၼ်လူင်တူၵ်းႁၢဝ်ႈႁႅင်းသေ ႁဵတ်းႁႂ်ႈမႄႈၼမ်ႉၶမ်းလူၼ်ႉၾင်ႇ၊ လုပ်ႇထူမ်ႈ ဝၢၼ်ႈၼႃးႁႆးလူင် ဢၼ်ယူႇတၢင်းၸဵင်ႇႁွင်ႇဝၼ်းဢွၵ်ႇတႃႈၶီႈလဵၵ်း ႁၢင်ႇယၢၼ်ၵၼ်မွၵ်ႈ 40 ၵီႊလူဝ်ႊမေႊတိူဝ်ႊသေ ၶီႈၵူမ်ႇလိၼ်မႃးထူမ်သိူဝ်ႇသႂ်ႇမူႇဝၢၼ်ႈ- ၼႆႉတိုၼ်းပဵၼ်ၶီႈၵူမ်ႇလိၼ် ဢၼ်တိုၵ်ႉသိုပ်ႇၶႂၢၵ်ႈၶုတ်းၶမ်းၼိူဝ်လွႆၶမ်းၼၼ်ႉ လူင်းမႃးထူမ်သႂ်ႇၵမ်းသိုဝ်ႈယဝ်ႉ။ လွင်ႈၼမ်ႉၼွင်းထူမ်ႈၼႆႉ တိုၼ်းႁၢင်ႈႁၢႆႉမႃးၵူႈပီတင်ႈတႄႇဢဝ်ၶိူင်ႈၸၢၵ်ႈမႃးၶုတ်းၶမ်းၼႂ်းပီ 2007 ဢွင်ႈတီႈလႅင်ႇၼမ်ႉ မႄႈၼမ်ႉၶမ်း ဢၼ်ယူႇတၢင်းၸၢၼ်းဝၢၼ်ႈၼႃးႁႆးလူင် ၼႂ်းဢိူင်ႇမိူင်းလဵၼ်းၼၼ်ႉယဝ်ႉ။ ဢွင်ႈထၢင်ၶုတ်းၶမ်းၼၼ်ႉၵေႃႈမေႇၶႂၢၵ်ႈၵႂၢင်ႈထိုင် 10...