မိူင်းယၢင်း

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 12/10/2022 သိုၵ်းမၢၼ်ႈဢဝ်မၢၵ်ႇလူင်ယိုဝ်း၊ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်းတၢႆပႅတ်ႇၵေႃႉ၊ ပႃးတင်းလုၵ်ႈဢွၼ်ႇ သၢမ်ၵေႃႉလႄႈ မၢတ်ႇၸဵပ်းထႅင်ႈ သိပ်းသီႇၵေႃႉ ၼႂ်းမိူင်းပၢႆးၸိုင်ႈတႆးပွတ်းၸၢၼ်း မိူဝ်ႈၼႂ်းလိူၼ်သႅပ်ႊထႅမ်ႊပိူဝ်ႊ 2022 ၼၼ်ႉ သိုၵ်းမၢၼ်ႈပိုတ်ႇၼႃႈသိုၵ်း ဢဝ်မၢၵ်ႇလူင်ယိုဝ်းၼႂ်းၸႄႈဝဵင်းမိူင်းပၢႆး ၸိုင်ႈတႆးပွတ်းၸၢၼ်းသေ ႁဵတ်းႁႂ်ႈၵူၼ်းဝၢၼ်ႈတၢႆပႅတ်ႇၵေႃႉ၊ပႃးတင်းလုၵ်ႈဢွၼ်ႇ သၢမ်ၵေႃႉလႄႈ မၢတ်ႇၸဵပ်းထႅင်ႈတီႈဢေႇသုတ်းမၼ်းသိပ်းသီႇၵေႃႉ။ မိူဝ်ႈဝၼ်းထိ 8/9/2022 ၼၼ်ႉသိုၵ်းမၢၼ်ႈတပ်ႉၸုမ်းလူင် 66 (တပ်ႉမ) ဢဵၼ်ႁႅင်းမွၵ်ႈ 100 လုၵ်ႉ တီႈဝၢၼ်ႈဝႃရီးပလၢႆႊ...