u

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 5/4/2022 သိုၵ်းမၢၼ်ႈပေႃႉထုပ်ႉၵူၼ်းမိူင်းတၢႆ ဝၢႆးမၢၵ်ႇတႅၵ်ႇၼႂ်းဝဵင်းၵျွၵ်းမႄး မိူဝ်ႈဝၼ်းထိ 29/3/2022 ဝၢႆးမၢၵ်ႇလုၵ်ႈၼိုင်ႈတႅၵ်ႇၼႂ်းဝဵင်းၵျွၵ်းမႄးယဝ်ႉ သိုၵ်းမၢၼ်ႈႁႄႉၵူၼ်းဝၢၼ်ႈသွင်ၵေႃႉဢၼ်တိုၵ်ႉၶီႇရူတ်ႊၶိူင်ႈယူႇၼၼ်ႉၵိုတ်းသေပေႃႉထုပ်ႉႁၢဝ်ႈႁႅင်းလႄႈ ၵူၼ်းဝၢၼ်ႈၵေႃႉၼိုင်ႈတၢႆယွၼ်ႉႁွႆးၸဵပ်းမၼ်း။ လွင်ႈမၢၵ်ႇတႅၵ်ႇၼၼ်ႉ ပဵၼ်မၢၵ်ႇဢၼ်ႁဵတ်းဢဝ် တႅၵ်ႇႁိမ်းလုမ်းၽၢႆႇလိူမ်ႈလႆႇၵျွၵ်းမႄး ၽွင်းၶၢဝ်းယၢမ်း 4 မူင်းဝၢႆးဝၼ်း။ ယွၼ်ႉမၢၵ်ႇတႅၵ်ႇသေႁဵတ်းႁႂ်ႈလင်ၶႃးလုမ်းၽၢႆႇလိူမ်ႈလႆႇ ၶဝ်လႆႈလုၵွႆၽွင်ႈ။ ၽွင်းၼၼ်ႉ မီးၵူၼ်းၸၢႆးသွင်ၵေႃႉ၊ ၸၢႆးပီး ဢႃယု 43 လႄႈလၢၼ်မၼ်း ၸၢႆးဢွင်ႇၵျေႃႇဢူး ဢႃယု 28 ၶီႇရူတ်ႊၶိူင်ႈသေၵႂႃႇႁႃသိုဝ်ႉၶဝ်ႈၽၵ်းၼႂ်းပွၵ်ႉ 9...