TAG

သိုၵ်းၵူဝ်းၵၢင်ႉ

လွင်ႈသိုၵ်းမၢၼ်ႈသိုပ်ႇတိုၵ်းတေႃးၸွမ်းသဵၼ်ႈသၢႆလွတ်ႇၼမ်ႉမၼ်းၵျႅတ်ႊၶႄႇ ၼႂ်းမိူင်းတႆးပွတ်းႁွင်ႇ ႁဵတ်းႁႂ်ႈ ၵူၼ်းမိူင်းတၢႆ သိပ်းၵေႃႉ မၢတ်ႇၸဵပ်း သိပ်းသီႇ

ၽိုၼ်တၢမ်းငဝ်းလၢႆး ၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 23/1/2024 လွင်ႈသိုၵ်းမၢၼ်ႈသိုပ်ႇတိုၵ်းတေႃးၸွမ်းသဵၼ်ႈသၢႆလွတ်ႇၼမ်ႉမၼ်းၵျႅတ်ႊၶႄႇ ၼႂ်းမိူင်းတႆးပွတ်းႁွင်ႇ ႁဵတ်းႁႂ်ႈ ၵူၼ်းမိူင်းတၢႆ သိပ်းၵေႃႉ မၢတ်ႇၸဵပ်း သိပ်းသီႇ ၼႂ်းၶၢဝ်းတၢင်းဝၼ်းထိ 19/12/2023 ထိုင်ဝၼ်းထိ 11/1/2024 ၼႆႉ မီးၵူၼ်းမိူင်းတၢႆ 10 ၵေႃႉမၢတ်ႇၸဵပ်း 14 ယွၼ်ႉသိုၵ်းမၢၼ်ႈပိုတ်ႇတိုၵ်းၼႂ်းၸႄႈဝဵင်းၼမ်ႉတူႈ၊ သီႇပေႃႉ၊ ၵျွၵ်းမႄး လႄႈၼွင်ၶဵဝ် မိူင်းတႆးပွတ်းႁွင်ႇ တီႈဢၼ်သိုၵ်းမၢၼ်ႈဢဝ်ၶိူင်ႈမိၼ်တိုၵ်းလႄႈမၢၵ်ႇလူင်ယိုဝ်းသႂ်ႇ၊ မၢၵ်ႇၸိူဝ်းၼၼ်ႉတူၵ်းႁိမ်းႁွမ်းသၢႆလွတ်ႇၼမ်ႉမၼ်းလႄႈၵျႅတ်ႊၶႄႇ။ ၵူၼ်းၸိူဝ်းလႆႈလုတၢႆလႄႈမၢတ်ႇၸဵပ်းၵမ်ႈၼမ်...

သိုၵ်းမၢၼ်ႈပိုတ်ႇၼႃႈသိုၵ်းၸွမ်းတေႃႈၼမ်ႉမၼ်းၶႄႇၼႂ်းမိူင်းတႆးပွတ်းႁွင်ႇ၊ ၵူၼ်းမိူင်းလုတၢႆ ၼပ်ႉႁူဝ်သိပ်း၊ ႁဵတ်းႁႂ်ႈလွမ်ၵူဝ်တေႃႈၼမ်ႉမၼ်း တႅၵ်ႇထႅင်ႈ

ၽိုၼ်တၢမ်းငဝ်းလၢႆးၵဝ်ႉငဝ်ႈသုၼ်ႇလႆႈၵူၼ်းၸိုင်ႈတႆး ဝၼ်းထိ 21/12/2023 သိုၵ်းမၢၼ်ႈပိုတ်ႇၼႃႈသိုၵ်းၸွမ်းတေႃႈၼမ်ႉမၼ်းၶႄႇၼႂ်းမိူင်းတႆးပွတ်းႁွင်ႇ၊ ၵူၼ်းမိူင်းလုတၢႆ ၼပ်ႉႁူဝ်သိပ်း၊ ႁဵတ်းႁႂ်ႈလွမ်ၵူဝ်တေႃႈၼမ်ႉမၼ်း တႅၵ်ႇထႅင်ႈ တင်ႈတႄႇၸုမ်းသိုၵ်းသိုၵ်းဢူၺ်းလီ သၢမ်ပီႈၼွင်ႉပိုတ်ႇပၢင်တိုၵ်း 1027 မိူဝ်ႈဝၼ်းထိ 27/10/2023 ၼၼ်ႉမႃး မီးၵူၼ်းမိူင်း 27 ၵေႃႉလႆႈလုတၢႆ၊ မၢတ်ႇၸဵပ်း 33 ၵေႃႉလႄႈႁိူၼ်းယေး ဝတ်ႉဝႃး160 ပၢႆလုၵွႆ ယွၼ်ႉသိုၵ်းမၢၼ်ႈဢဝ်ၶိူင်ႈမိၼ်တိုၵ်းပွႆႇမၢၵ်ႇလႄႈ ပၢင်တိုၵ်းၸွမ်းၼႃႈလိၼ် သၢႆလွတ်ႇၵျႅတ်ႊလႄႈၼမ်ႉမၼ်းၶႄႇ ၼႂ်းမိူင်းတႆးပွတ်းႁွင်ႇ။ ပိုၼ်ႉတီႈၼႃႈလိၼ်ဢၼ်ပဵၼ်တီႈယိူင်းတိုၵ်း ၼႂ်းပၢင်...

ၶမ်မိူင်းငရၢႆး

ၶမ်မိူင်းငရၢႆး ၸုမ်းၵူၼ်းႁဵတ်းၽိတ်းမၢႆမီႈၶႄႇၵႃႉၶၢႆၵူၼ်း၊တဵၵ်းတဵင်ပဵၼ်ၶီႈၶႃႈလႄႈ ၶႃၸႂ်ၵူၼ်းၼုမ်ႇ ၼႂ်းၸိုင်ႈတႆးပွတ်းႁွင်ႇ တင်ႈတႄႇဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း Download report: English Chinese Thai Burmese Shan ႁူဝ်ႁုပ်ႈ ၽိုၼ်ႁၢႆးငၢၼ်းၼႆႉလႆႈဢိင်ဢဝ်ၼိူဝ်လွင်ႈပိူင်ပဵၼ်တူဝ်ထူပ်း ၵူၼ်းၼုမ်ႇၼၢင်းယိင်းသၢမ်ၵေႃႉ လႄႈ ၵူၼ်းၼုမ်ႇၸၢႆးသွင်ၵေႃႉ ၸိူဝ်းလႆႈၶၢမ်ႇတၢမ်ႇ ၼမ်ႉမိုဝ်းၸုမ်းၵူၼ်းၶႄႇဢၼ်ႁဵတ်းၽိတ်းမၢႆမီႈ ႁဵတ်းၵၢၼ်လွင်ႈလွၵ်ႇလႅၼ်တၢင်းဢွၼ်ႊလၢႆႊ၊ၵၢၼ်တေႃႇလွင်းလႄႈၵၢၼ်ထႆႇႁၢင်ႈပွႆႇပူၺ်(ဢမ်ႇၼုင်ႈၶူဝ်းလဵင်းထႆႇ)ၼႂ်းပိုၼ်ႉတီႈၽွင်းငမ်း ၵဝ်ႈၵၢင်ႉလႄႈပိုၼ်ႉတီႈၽွင်းငမ်းဝ ၼႂ်းၸိုင်ႈတႆးပွတ်းႁွင်ႇ။ တွၼ်ႈတူဝ်ထူပ်းၵူၼ်းၼုမ်ႇၶဝ်ၼၼ်ႉ လႆႈၵိူတ်ႇပဵၼ်မႃးဝၢႆးသိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း ၼႂ်းလိူၼ်ၾႄႊၾေႃႊဝႃႊရီႊ 2021 သေ ၼႂ်းၵၢၼ်တွင်ႈထၢမ်သီႇလွင်ႈၼၼ်ႉလႆႈႁူပ်ႉထူပ်းႁၼ်ဝႃႈ ယွၼ်ႉမီးလွင်ႈတုမ်ႉယွၼ်ႈတၢင်းပၢႆးပၺ်ၺႃႇလႄႈၵၢၼ်ႁႃလဵင်ႉတွင်ႉ...

Latest news